पुष्पकमल दाहाल प्रचण्डले वर्तमान सरकार लोकतान्त्रिक संस्थामाथि हस्तक्षेपकारी शैलीमा अघि बढिरहेको आरोप लगाएका छन्।
बिज्ञापन
प्रतिनिधिसभामा सम्बोधन गर्दै उनले सरकारले आफ्नो संख्यात्मक बलको दुरुपयोग गर्दै विधि र संसदीय प्रक्रियालाई कमजोर बनाउने प्रयास गरेको टिप्पणी गरे। अध्यादेशमार्फत शासन चलाउने, संसदलाई प्रभावहीन बनाउने तथा प्रतिशोधपूर्ण गतिविधि बढाएको भन्दै उनले सरकारप्रति तीव्र असन्तुष्टि व्यक्त गरे।
बिज्ञापन
ट्रेड युनियनमाथि भइरहेको हस्तक्षेपप्रति चिन्ता व्यक्त गर्दै दाहालले ट्रेड युनियन लोकतन्त्रको आधारभूत अंग भएको बताए। उनले लामो राजनीतिक संघर्षबाट प्राप्त श्रमिक तथा कर्मचारी अधिकार कमजोर पार्ने कुनै पनि प्रयास लोकतान्त्रिक मूल्यविपरीत हुने उल्लेख गरे।
उनले लोकतान्त्रिक संस्थाहरूलाई कमजोर बनाउने होइन, थप मजबुत बनाउने दिशामा राजनीति केन्द्रित हुनुपर्ने धारणा राखे। साथै युवा सांसदहरूलाई ट्रेड युनियनलाई दलीय विवादभन्दा माथि उठाएर पेशागत र जिम्मेवार संस्थाका रूपमा विकास गर्ने विषयमा गम्भीर बहस गर्न आग्रह गरे।
बिज्ञापन
