लामो समयदेखि आउन नसकेको संघीय निजामती सेवा विधेयकको प्रक्रिया फेरि अघि बढेको छ । सरकारले संघीय निजामती सेवाको गठन, सञ्चालन तथा सेवाका सर्तसम्बन्धी व्यवस्था गर्न तयार पारिएको विधेयकको मस्यौदा सार्वजनिक गरेको छ।
बिज्ञापन
मन्त्रालयले दुई दर्जनभन्दा बढी नयाँ व्यवस्था सहित विद्येयको मस्यौदा तयार पारेको छ । यसरी तयार भएको १४९ वटा दफा सहितका संघीय निजामती विद्येयक विधायन ऐन, २०८१ को दफा ६ को उपदफा (२) बमोजिम मस्यौदा प्रकाशन गरिएको हो।
बिज्ञापन
सरकारले सार्वजनिक गरेको मस्यौदामाथि सरोकारवाला निकाय, कर्मचारी तथा आम नागरिकबाट सुझाव संकलन गर्न सूचना जारी गरिएको छ। सूचनाअनुसार, प्रकाशन भएको मितिले सात दिनभित्र आफ्नो राय सुझाव पेश गर्न आग्रह गरिएको छ।‘ मस्यौदामा आउने सुझाव एवं प्रतिक्रिया समेटेर विधेयक परिमार्जन गरी मन्त्रिपरिषदमा पेश गरिने छ त्यसपछि विधेयकलाई संघीय संसद सचिवालयमा पेश गर्ने तयारी छ ।
‘सरकारको सय दिने कार्यसूचीमै ४५ दिनभित्र निजामति सेवा ऐन बनाउन विधेयक तर्जुमा गर्ने उल्लेख छ । त्यसैअनुसार अहिले मन्त्रालयले विधेयकको मस्यौदा तयार पारेर सुझाव मागिएको हो ।
बिज्ञापन
