सरकारले तीन महत्वपूर्ण कानुन संशोधनसम्बन्धी विधेयक संघीय संसदमा पेश गर्ने प्रक्रिया अघि बढाएको छ।
बिज्ञापन
आज बसेको मन्त्रिपरिषद् बैठकले नेपाल विशेष सेवा ऐन, २०८२, प्रतिनिधि सभा सदस्य निर्वाचन ऐन, २०७४ र मतदाता नामावली ऐन, २०७३ संशोधन गर्न बनेका विधेयक संघीय संसदमा पेश गर्न स्वीकृति दिएको हो। ती विधेयकमार्फत सम्बन्धित कानुनलाई समयानुकूल परिमार्जन गर्ने तयारी गरिएको सरकारी स्रोतले जनाएको छ।
बिज्ञापन
बैठकले यससँगै नेपाल धितोपत्र बोर्ड (सेबोन) को अध्यक्ष नियुक्तिका लागि सिफारिस समिति गठन गर्ने निर्णय पनि गरेको छ। राष्ट्रिय योजना आयोगका उपाध्यक्ष डा. गुणाकर भट्टको संयोजकत्वमा गठित समितिमा अर्थ मन्त्रालयका सचिव डा. घनश्याम उपाध्याय र काठमाडौंका भुवनकुमार दाहाल सदस्य रहनेछन्।
त्यसैगरी मन्त्रिपरिषद्ले समस्याग्रस्त सहकारी व्यवस्थापन समितिमा नयाँ पदाधिकारी मनोनयन गर्ने निर्णय पनि गरेको छ। समितिको अध्यक्षमा डिल्लीराज आचार्य तथा सदस्यमा नवराज सिम्खडा र रोशनबहादुर शाक्यलाई मनोनयन गरिएको छ।
बिज्ञापन
सरकारले हाल विभिन्न कानुनी र संस्थागत संरचनालाई सुदृढ बनाउने उद्देश्यले आवश्यक कानुन संशोधन तथा संस्थागत व्यवस्थापनका निर्णयहरू गर्दै आएको बताइएको छ।
