अख्तियार दुरुपयोग अनुसन्धान आयोगले दुई कर्मचारीविरुद्ध भ्रष्टाचार मुद्धा दायर गरेको छ । आयोगले यातायात व्यवस्था कार्यालय (सवारी चालक अनुमति पत्र) पोखरामा कार्यरत प्रशासन अधिकृत र कम्युटर अपरेटरविरुद्ध विशेषमा मुद्धा चलाएको हो ।
बिज्ञापन
आयोगका अनुसार,सवारी अनुमति पत्र (लाइसेन्स)को अभिलेखमा झुटो विवरण राख्ने दुई कर्मचारी तत्कालीन प्रशासन अधिकृत शंकर थापा र तत्कालीन कम्प्युटर अपरेटर जगत ढकाल र उनीहरूले कार्यालयको अभिलेख बमोजिम हिमबहादुर बस्नेत थापाको नाममा ए र बी वर्गको पुरानो सवारी चालक अनुमति पत्र जारी नै नभएको जानकारी हुँदाहुँदै गैरकानुनी तरिकाले सच्याउने र हेरफेर गरेको भेटिएसँगै तीन जनालाई अख्तियारले प्रतिवादी बनाएको हो ।
बिज्ञापन
अख्तियारका अनुसन्धानको क्रममा नक्कली सवारी चालक अनुमतिपत्र वितरण गरी अनियमितता गरेको ठहर गर्दै विशेषमा मुद्धा दाष्र गरिएको हो । अख्तियारले प्रतिवादी बनाएकामध्ये शंकर थापा आठौं तहका कर्मचारी हुन भने जगत ढकाल कम्युटर अपरेटरका रुपमा कार्यरत थिए । उनले बागलुङको गलकोट नगरपालिका–२ का हिम बहादुर बस्नेत थापासँग मिलेमतो गरी सरकारी अभिलेख सच्याएको भेटिएको अख्तियारले जनाएको छ । सरकारी कागजात र विद्युतीय अभिलेख सच्याएर भ्रष्टाचार गरेको पुष्टि भएपछि अख्तियारले प्रशासन अधिकृत थापा, अपरेटर ढकाल र सेवाग्राही बस्नेतलाई अख्तियारले प्रतिवादी बनाएको हो । अख्तियारले शंखर थापा र जगत ढकालविरुद्ध भ्रष्टाचार निवारण ऐनअनुसार कारबाकही गर्न माग गरेको छ । त्यस्तै हिमबहादुर थापा बस्नेतविरुद्ध भ्रष्टाचार निवारण ऐन बमोजिम कसुरजन्य कार्यको गैरकानुनी लाभ लिने प्रकृतिको मतियार भएको भन्दै कारबाहीको माग गरिएको छ ।
बिज्ञापन
