ढुङ्गामा देउता देख्ने तिम्रो पावन दृष्टि,
रगतले इतिहास कोर्ने साहसको बेग्लै सृष्टि।
सगरमाथाको सान तिमी, गोर्खालीको मान,
सहिदको रगतले सिञ्चित यो पावन माटोको शान।
बिज्ञापन
झुकेनन् ती वीरहरू, ढलेनन् ती शीरहरू,
मुक्ति र न्यायका निम्ति बगाएका ती वीरहरू।
तिनै सहिदको सपनाको जगमा उभिएको छ यो देश,
बदल्नु छ अब हामीले यसको रङ्गरुप र भेष।
बिज्ञापन
जेन्जी विद्रोहको त्यो राप, त्यो नयाँ चेतको आँधी,
तोड्दैछ आज भ्रष्टाचार र बेथितिको बाँधी।
संविधानका अक्षरमा अब जनताको न्याय बोल्छ,
सुशासनको एउटा नयाँ सुनौलो ढोका खुल्छ।
म बन्नेछु तिम्रो विकासको त्यो सारथी,
जहाँ जलविद्युतका धार र सुरुङका नयाँ रथी।
खेतका फाँटमा आधुनिकता, सहरमा प्रविधिको सञ्जाल,
मेटिनेछ अब गरिबी र बेरोजगारीको त्यो कालो जाल।
बिज्ञापन
उन्नेछौ जब तिमी विजय र समृद्धिको माला,
हट्नेछ अँध्यारो, बल्नेछ गाउँ गाउँमा उज्यालो ज्वाला।
म साथ दिनेछु तिमीलाई हरेक पाइला र मोडमा,
लेखिनेछ नयाँ इतिहास, यो राष्ट्र निर्माणको दौडमा।
