मन्त्रिपरिषद्को बैठकले सबै मन्त्रालय, सचिवालय, आयोग र अन्तर्गतका निकायहरूको संगठन तथा व्यवस्थापन, सर्वेक्षण गर्न पूर्वस्वीकृति दिने गरेको छ ।
आज बसेको क्याविनेटले संघीय मामिला तथा सामान्य प्रशासन मन्त्रालयको प्रस्तावमा सबै मन्त्रालय,सचिवलाय,आयोग र अन्तर्गतका निकायहरुको ओएनएम सर्भे गर्ने पूर्वस्वीकृति दिने निर्णय भएको हो ।सरकारले अनावश्यक सरकारी संरचनाहरु खारेजी गर्ने संघीय कर्मचारीहरुको दरबन्दी घटाउने तयारी गरिरहेको छ । विभिन्न आयोगहरुका सुझावहरुका आधारमा झण्डै ५५० कार्यालयहरु खारेजी गर्नुपर्ने र झण्डै २२ हजार कर्मचारीहरुको दरबन्दी कटौती गर्नुपर्ने सुझावका आधारमा सरकारले ती निकायहरुको ओएनएम सर्भे गर्ने पूर्व स्वीकृति दिएको हो ।
बिज्ञापन
यस्तै आजको क्याविनेटले पेट्रोलियम आपूर्तीमा उत्पन्न असहजताका कारण ०८२ चैत २३ गतेदेखि लागू हुनेगरी सरकारी कार्यालय तथा सम्पूर्ण शैक्षिक संस्थाहरूमा शनिबार र आइतबार बिदा दिने निर्णय गरेको छ । यो निर्णय शैक्षिक संस्थाहरुको हकमा भने लागू हुने छैन । शैक्षिक संस्था बाहेक उल्लेखित कार्यालयहरूको कार्यालय समय ९ देखि ५ बजे कायम गर्ने निर्णय गरेको छ भने डिजेल तथा पेट्रोल गाडीलाई विद्युतीय गाडीमा परिवर्तन गर्नका लागि आवश्यक कानुनी व्यवस्था मिलाउने निर्णय पनि क्याविनेटले गरेको छ । यस्तै,आगामी शैक्षिक सत्र २०८३ वैशाख १५ गतेबाट सुरु गर्ने निर्णय पनि मन्त्रिपरिषद्बाट भएको छ ।
बिज्ञापन
डिजिटल नेपाल ट्रान्सफर्मेशन प्रोजेक्टका लागि क्रमशस् एशियाली विकास बैंक तथा विश्व बैंकले प्रदान गर्ने ४० मिलियन अमेरिकी डलर र ५० मिलियन अमेरिकी डलर गरी जम्मा ९० मिलियन अमेरिकी डलर बराबरको सहुलियतपूर्ण ऋण स्वीकार गर्ने निर्णय भएको छ भने दिगो र समावेशी वित्त परियोजनाका लागि विश्व बैंकबाट प्राप्त हुने ९५ मिलियन अमेरिकी डलर बराबरको सहुलियतपूर्ण ऋण स्वीकार गर्ने निर्णय समेत आजको मन्त्रिपरिषद्को बैठकले गरेको छ ।
यस्तै राष्ट्रिय समाचार समितिका कार्यकारी अध्यक्ष धर्मेन्द्र झाले दिनुभएको राजीनामा स्वीकृत भएको छ ।
बिज्ञापन
