बिज्ञापन

बिज्ञापन

समितिका संयोजक तथा निर्वाचन आयुक्त सगुन शमशेर जबराले हालसम्म देशभर शान्ति सुरक्षाको अवस्था सामान्य रहेको र कुनै गम्भीर चुनौतीको प्रतिवेदन प्राप्त नभएको जानकारी दिएका छन्। आयोगले सुरक्षा निकायका प्रमुखहरूसँग नियमित समन्वय र सूचना आदानप्रदान गर्दै आएको उनले बताए।

यसपटक भने विगतभन्दा केही अघि नै सेना परिचालन गर्ने निर्णय गरिएको छ। अघिल्ला निर्वाचनमा सेना तेस्रो घेरामा राखिँदा सुरक्षा प्रभावकारिता कमजोर भएको राजनीतिक दलहरूको सुझावपछि आवश्यक परे पहिलो घेरामै खटिने गरी मोडालिटी तयार गरिएको जनाइएको छ।

निर्वाचन सुरक्षा तथा जोखिम व्यवस्थापन समितिको पहिलो बैठकले नै सरकारलाई निर्वाचनमा सेना प्रयोग गर्न सिफारिस गर्ने निर्णय गरेको थियो। यस व्यवस्थासँगै आगामी निर्वाचनलाई शान्तिपूर्ण र विश्वसनीय बनाउन सरकार दृढ देखिएको छ।