काठमाडौं । रामेछाप नगरपालिका–२ सिरुबारी मा मतदान सामग्री र कर्मचारी बोकेको गाडी दुर्घटनामा पर्दा दुई जनाको मृत्यु भएको छ। सोमबार बिहान देउरालीतर्फ जाँदै गरेको ना ७ ख ६७६८ नम्बरको गाडी अनियन्त्रित भई दुर्घटना हुँदा उक्त क्षति भएको हो।

बिज्ञापन

दुर्घटनामा प्रहरीका असई पर्शुराम यादवको घटनास्थलमै ज्यान गएको थियो भने मतदान अधिकृत डोरप्रसाद घिमिरेको उपचारका क्रममा निधन भएको प्रमुख जिल्ला अधिकारी श्यामकृष्ण थापा ले जानकारी दिएका छन्। घिमिरेलाई रामेछाप नगरपालिका–२ देउराली अन्तर्गत साँघुटार (ख) मतदान केन्द्रमा खटाइएको थियो। उनी रुद्राक्षश्वर माध्यमिक विद्यालय, साँघुटारमा अध्यापनरत शिक्षक थिए।