काठमाडौं । रामेछाप नगरपालिका–२ सिरुबारी मा मतदान सामग्री र कर्मचारी बोकेको गाडी दुर्घटनामा पर्दा दुई जनाको मृत्यु भएको छ। सोमबार बिहान देउरालीतर्फ जाँदै गरेको ना ७ ख ६७६८ नम्बरको गाडी अनियन्त्रित भई दुर्घटना हुँदा उक्त क्षति भएको हो।
बिज्ञापन
दुर्घटनामा प्रहरीका असई पर्शुराम यादवको घटनास्थलमै ज्यान गएको थियो भने मतदान अधिकृत डोरप्रसाद घिमिरेको उपचारका क्रममा निधन भएको प्रमुख जिल्ला अधिकारी श्यामकृष्ण थापा ले जानकारी दिएका छन्। घिमिरेलाई रामेछाप नगरपालिका–२ देउराली अन्तर्गत साँघुटार (ख) मतदान केन्द्रमा खटाइएको थियो। उनी रुद्राक्षश्वर माध्यमिक विद्यालय, साँघुटारमा अध्यापनरत शिक्षक थिए।
बिज्ञापन
दुर्घटनामा घाइते सात जनालाई थप उपचारका लागि हेलिकप्टरमार्फत काठमाडौं पठाइएको प्रशासनले जनाएको छ। घाइते हुनेहरूमा शिक्षक भीमबहादुर मानन्धर, चालक सम्बरबहादुर मानन्धर, शिक्षक कृष्णप्रसाद घिमिरे, दुर्गा कार्की, सविना खड्का, केदारकुमार रोका र पूजादेवी सुनुवार रहेका छन्।
गाडीमा निर्वाचनका कर्मचारीसँगै मतदान सामग्रीसमेत रहेको थियो। दुर्घटनाको कारणबारे अनुसन्धान भइरहेको प्रशासनले जनाएको छ।
बिज्ञापन
