पृथ्वी राजमार्गबाट त्रिशूलीमा बस खस्दा १७ को मृत्यु, २८ घाइते
बिज्ञापन
धादिङमा सोमबार बिहान भएको बस दुर्घटनामा १७ जनाको ज्यान गएको छ भने २८ जना घाइते भएका छन्।
बिज्ञापन
बेनीघाट रोराङ गाउँपालिका–५ भैँसीगौडास्थित पृथ्वी राजमार्गबाट पोखराबाट काठमाडौँ आउँदै गरेको ग १ ख १४२१ नम्बरको यात्रुवाहक बस त्रिशूली नदीमा खसेको हो।
दुर्घटनामा बसमा सवार १७ जनाको घटनास्थलमै मृत्यु भएको सशस्त्र प्रहरी बल, नेपालका प्रवक्ता विष्णुप्रसाद भट्टले जानकारी दिए। मृतकको सनाखत हुन बाँकी रहेको जनाइएको छ।
बिज्ञापन
दुर्घटनामा घाइते भएका २८ जनाको विवरण सशस्त्र प्रहरीले सार्वजनिक गरेको छ। घाइतेहरूलाई उद्धार गरी विभिन्न अस्पतालमा उपचारका लागि पठाइएको प्रवक्ता भट्टले बताए।
दुर्घटनाको कारण भने हालसम्म खुलेको छैन। प्रहरीले घटनाबारे थप अनुसन्धान सुरु गरेको जनाएको छ।
प्रतिक्रिया दिनूहोस्
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
