निर्वाचन आचारसंहिता विपरित एक प्रमुख प्रशासकीय अधिकृत नै खुलेरै दलका लागि मत लाग्दै हिडेको पाइएको छ । यसरी खुलेरै राजनीतिक दलका पक्षमा मत माग्दै हिड्ने प्रमुख प्रशासकीय अधिकृत हुन,धर्मराज न्यौपाने । जो अहिले मधुवन नगरपालिकाको प्रमुख प्रशासकीय अधिकृतको भूमिकामा छन् ।
बिज्ञापन
निर्वाचन आचारसंहितामा २०८२ मा सरकारी वा अर्धसरकारी निकायबाट सञ्चालित परियोजना विकास समिति तथा सो कर्मचारीले राजनीतिक दल वा उम्मेदवारको पक्ष वा विपक्षमा प्रचारप्रसारमा संलग्न हुन वा प्रचारप्रसार गर्न नहुने व्यवस्था रहेको छ । त्यसैगरी कर्मचारीले सामाजिक सञ्जालमा कुनै राजनीतिक दल वा उम्मेदवारको पक्ष वा विपक्षमा कुनै सन्देश सूचना प्रचारप्रसार सामग्री पोस्ट वा सेयर गर्न वा प्रतिक्रिया दिन वा सामाजिक सञ्जालमा मत माग्न नहुने व्यवस्था गरेको भए पनि प्रमुख प्रशासकीय अधिकृत न्यौपाने नेपाली कांग्रेस प्रतिनिधिसभा क्षेत्र नम्बर २ का उम्मेदवार किशोरसिंह राठौरका लागि प्रमुख प्रशासकीय अधिकृत न्यौपाने मत माग्दै चुनावी प्रचारप्रसार हिँडेको भिडियो सामाग्री बाहिरिएको छ ।
बिज्ञापन
गत आइतबार मधुवन नगरपालिका– ७ को प्रगति बजारनजिक नेपाली कांग्रेसको प्रचारप्रसार सम्पर्क कार्यालय स्थापनाको कार्यक्रममा भेला भएका स्थानीय प्रमुख प्रशासकीय अधिकृत न्यौपाने पार्टीको पक्षमा मत माग्दै गरेको भिडियो सार्वजनिक भएको हो ।
निर्वाचन आचारसंहिता २०८२ ले निजामती कर्मचारीले कुनै उम्मेदवारले पार्टी र उम्मेदवारको प्रचारप्रसार गरेको पाइएमा, लिखित वा मौखिक उजुरी आएमा निर्वाचनको आचारसंहितामा उल्लंघन हुने र यस्तो गरेमा निर्वाचन आयोगमा कारबाहीका लागि सिफारिस गर्ने व्यवस्था गरिएको छ ।
बिज्ञापन
