१२ सयको बिललाई ९२ हजार र १३ सय ५० को बिललाई सच्चाएर १ लाख १ हजार ३ सय ५० रुपैयाँ बनाइ भुक्तानी लिएको भेटिएपछि अख्तियारले प्रमुख प्रशासकीय अधिकृत,लेखापाल र स्वास्थ्य शाखा प्रमुखविरुद्ध भ्रष्टाचार मुद्धा चलाएको हो ।
बिज्ञापन
अख्तियार दुरुपयोग अनुसन्धान आयोगले औषधि खरिदको नाममा नक्कली बिल बनाइ भ्रष्टाचार गरेको आरोपमा चार जना विरुद्ध भ्रष्टाचार मुद्धा चलाएको छ ।
अख्तियारले हुम्लाको ताँजाकोट गाउँपालिकामा तत्कालीन निमित्त प्रमुख प्रशासकीय अधिकृत,स्वास्थ्य शाखा प्रमुख,सह लेखापाल र एक औषधि फर्माका सञ्चालकविरुद्ध आज विशेष अदालतमा मुद्धा दायर गरेको हो ।
बिज्ञापन
जस अनुसार,आयोगले गाउँपालिकाका तत्कालीन निमित्त प्रमुख प्रशासकीय अधिकृत लाल प्रसाद ढकाल, स्वास्थ्य शाखा प्रमुख राजेन्द्र स्याङकु, सह–लेखापाल बिर्षसिहं सुनार र नेपालगञ्जस्थित आर्यन फार्माका सञ्चालक कृष्ण कुमार भुजुवालाई प्रतिवादी बनाइएको छ । गाउँपालिकाको स्वास्थ्य शाखाका लागि औषधि तथा उपकरण खरिद गर्दा मिलेमतोमा खरिद नै नगरिएका सामग्रीको समेत विल बनाएको र वास्तविक बिलको अंक सच्याएर लाखौं रकम भुक्तानी लिएको अख्तियारको अनुसन्धानबाट खुलेको अख्तियारले जनाएको छ ।
अख्तियारको अनुसन्धानको क्रममा बागेश्वरी सर्जिकलबाट १ हजार २ सय रुपैयाँको सामान खरिद गरिएकोमा त्यसलाई सच्याएर ९२ हजार रुपैयाँ बनाइएको थियो। १२ सय रुपैयाँको बिललाई सच्याएर ९२ हजार र १ हजार ३ सय ५० रुपैंयाको बिललाई सच्चाएर १ लाख १३ हजार भुक्तानी गरिएको पाइएको छ । एलाइड प्याथोक्याम एण्ड सर्जिकलको १ हजार ३ सय ५० रुपैयाँको बिलमा अंक थपेर १ लाख १ हजार ३ सय ५० रुपैयाँ भुक्तानी लिएको अख्तियारको दावी छ । यसबाहेक नक्कली ढुवानी बिल बनाएको र एउटा औषधिको सट्टा अर्कै सामग्री बिक्री गरेको देखाई झुटो बिल पेश गरेको पनि पुष्टि भएको छ। अख्तियारले उनीहरूले कुल १ लाख ९१ हजार ८ सय ५० रुपैयाँ हिनामिना गरेको ठहर गरेको छ। आयोगले चारै जना प्रतिवादीसँग जनही १ लाख ९१ हजार ८ सय ५० रुपैयाँ बिगो कायम गर्दै भ्रष्टाचार निवारण ऐन बमोजिम कैद र बिगो बमोजिमको जरिवाना सजायको मागदाबी गरेको आयोगका प्रवक्ता सुरेश न्यौपानेले जानकारी दिए ।
बिज्ञापन
