काठमाडौँ । भूमि व्यवस्था, सहकारी तथा गरिबी निवारणमन्त्री कुमार इङनामले मालपोत कार्यालय डिल्लीबजारमा बिचौलियाको खुलेआम हावी देखिएपछि कार्यालय प्रमुखलाई कडा शब्दमा झापड दिएका छन्।
बिज्ञापन
बुधबार दिउँसो मन्त्री इङनाम सेवाग्राहीकै रूपमा मालपोत कार्यालय, डिल्लीबजार पुगेका थिए। कार्यालय परिसर र वरपर बिचौलियाहरू सक्रिय रूपमा सेवाग्राहीलाई घेरेर ‘काम मिलाइदिने’ गतिविधिमा संलग्न देखिएपछि मन्त्री आक्रोशित बनेका थिए।
बिज्ञापन
सो क्रममा उनले कार्यालय प्रमुख काजीबहादुर विष्टलाई बोलाएर “यहाँ सेवाग्राहीको होइन, बिचौलियाको राज चलिरहेको देखिन्छ” भन्दै कडा गुनासो व्यक्त गरे। राज्यको कार्यालय बिचौलियाको नियन्त्रणमा पुगेको भान हुनु गम्भीर लापरबाही भएको उनको टिप्पणी थियो।
मन्त्री इङनामले सेवाग्राहीलाई सहज, छिटो र पारदर्शी सेवा दिन नसक्दा नै जनआक्रोश बढ्दै जेन–जी आन्दोलनसम्म पुग्नुपरेको उल्लेख गर्दै अब मन्त्रालय यस विषयमा गम्भीर भएर अघि बढ्ने चेतावनी दिए। “सरकारी सेवा लिन आउँदा नागरिकले अपमान र दुःख पाउन नहुने,” उनले स्पष्ट शब्दमा निर्देशन दिए।
बिज्ञापन
निरीक्षणपछि मन्त्रीले कार्यालय सुधार, बिचौलिया नियन्त्रण र कर्मचारीको जिम्मेवारीप्रति कडाइका साथ अनुगमन गरिने संकेत पनि दिएका छन्।
