नेपाल राष्ट्र बैंकले पाँच महिनाको तथ्यांकमा आधारित ‘देशको वर्तमान आर्थिक तथा वित्तीय स्थिति’ सार्वजनिक गरेको छ । चालु आर्थिक वर्ष २०८० ०८१ को पाँच महिनाको तथ्यांअनुसार वार्षिक बिन्दुगत आधारमा उपभोक्ता मूल्य सूचकाङ्कमा आधारित मुद्रास्फीति ४ दशमलव ९५ प्रतिशत रहेको राष्ट्र बैंकले जनाएको छ ।
बिज्ञापन
यस्तै आयात ३ दशमलव ४ प्रतिशत, निर्यात ६ दशमलव १ प्रतिशत र कुल वस्तु व्यापार घाटा ३ दशमलव १ प्रतिशतले घटेको छ । यसैगरी विप्रेषण आप्रवाह नेपाली रुपैयाँमा २७ दशमलव ६ प्रतिशतले र अमेरिकी डलरमा २४ दशमलव ५ प्रतिशतले बढेको राष्ट्र बैंकको भनाइ छ ।
बिज्ञापन
यस्तै शोधनान्तर स्थिति रु २१० अर्ब ५९ करोडले बचतमा रहँदा कुल विदेशी विनिमय सञ्चिति रु १७६७ अर्ब ४ करोड र अमेरिकी डलरमा १३ अर्ब ३१ करोड रहेको बैंकको तथ्यांकमा उल्लेख छ ।
यसैगरी नेपाल सरकारको खर्च रु ४५३ अर्ब र राजस्व परिचालन रु ३६३ अर्ब ४३ करोड रहेको छ भने विस्तृत मुद्राप्रदाय ४ दशमलव ७ प्रतिशतले बढेको छ । यस्तै वार्षिक बिन्दुगत आधारमा यस्तो मुद्राप्रदाय १४ दशमलव ४ प्रतिशतले बढेको छ ।
बिज्ञापन
राष्ट्र बैंकका अनुसार बैंक तथा वित्तीय संस्थाको निक्षेप संकलन ४ दशमलव ६ प्रतिशतले बढेको भने निजी क्षेत्रमा प्रवाहित कर्जा २ दशमलव ३ प्रतिशतले बढेको छ । यस्तै वार्षिक बिन्दुगत आधारमा निक्षेपको वृद्धिदर १५ प्रतिशत र निजी क्षेत्रमा प्रवाहित कर्जाको वृद्धिदर ४ दशमलव ५ प्रतिशत रहेको राष्ट्र बैंकको तथ्यांकमा उल्लेख छ ।
Current Macroeconomic and Financial Situation -Nepali (Based on Five Months’ data of 2080.81)
