बिरगंज र बाराबाट हुदै आएको कवाडीकाे तस्करी यहाँबाट राेकिएपछि अहिले नवलपरासीको ठुटीबारीबाट हुन थालेको छ। बिरगंजबाट कवाडी लिएर नवलपरासीको ठुटीबारी नाका हुदै भारत तर्फ तस्करी हुदै आएको छ। यो भिडियो पर्साकाे इनर्वा गाउँमा कवाडी लाेड गर्दाको हो । यसअघि पनि पटकपटक यसरी नै बिरगंजबाट कवाडी लाेड गरेर ठुटीबारीबाट भारततर्फ तस्करी हुदै आएको थियो । यसरी तस्करी गर्ने तस्करीकाे नाइके भारतीय नागरिक सन्तोष गुप्ता रहेको समेत खुलेको छ।
बिज्ञापन
ठुटिबारी भारत घर भएका सन्तोष गुप्ता धेरै बर्ष अघिदेखि नेपालबाट कवाडी सामान भारतमा पठाउने कार्यमा संलग्न हुदै आएका थिए । कवाडीको सामान उनले डब्बामा राखेर उनले भारत पुर्याउंदै आएका थिए ।कहिले रूपन्देहीको मौनीहवाबाट त कहिले पश्चिम नवलपरासीको हरकपुराबाट कवाडीको नाममा चरेस तस्करी धन्दा उनले गर्दै आएको समेत खुलेको छ । भारतीय प्रहरीले कवाडी सामान भनेर सामान्य चेकजाँच गरि छोड्ने गर्दै आएकोमा यसभन्दा पहिले पनि एकपटक चरेश समातिय पछि गुप्ताको कवाडी व्यापारमा निगरानी बढाएको थियो ।
बिज्ञापन
कवाडी सामानमा चरेस लुकाएर लैजाने धन्दा गुप्ताले बर्षाैं देखि गर्दै आएको समेत उनलाई नजिकबाट चिन्नेहरू बताउँछन् । गुप्ताको हरकपुरामा कवाडीको गोदाम समेत रहेको छ ।
सन्तोषले रमेश नाम गरेको अर्को व्यक्ति नेपालमा साझेदार राखेर कवाडीकाे तस्करी गर्दै आइरहेका छन् । यसअघि कवाडीकाे आडमा ठूलो मात्रामा लागूऔषध चरेस बरामद भए पछि उनलाई भारतीय प्रहरीले पक्राउ गरि लामो समय थुनामा राखेपछि उनी पछि छुटेका थिए।
बिज्ञापन
