पोखरा । मध्यपहाडी लोकमार्ग अन्तर्गत कास्कीको हेमजा सडक खण्ड (नयाँपुल नजिकै) कालोपत्रे विवादमा परेको छ । निर्माण कार्य पूरा नहुँदै सडक सतह खाल्डाखुल्डी भएर सवारी सञ्चालनमै समस्या देखिएको हो ।
बिज्ञापन
स्थानीयवासीका अनुसार ठेकेदारले निर्माण कार्य अधुरो छाडेर ‘कालोपत्रे’ गर्न थालेपछि सडक एकातिर खाल्डाे–उकै, अर्कोतिर असमान सतह बनेर यातायात जोखिमपूर्ण बनेको छ । “काम सकिँदैन, गुणस्तर छैन, खाल्डामै कालोपत्रे — यस्तो कस्तो मापदण्डको काम हो ?” भन्दै स्थानीयले आक्रोश पोखेका छन् ।
बिज्ञापन
यात्री तथा सवारी चालकहरूले पनि कालोपत्रे नाम मात्रको देखिएको टिप्पणी गरेका छन् । उनीहरूका अनुसार वर्षा सुरु नहुँदै सडक सतह उखेलिन थालेको छ भने असावधानीपूर्वक छाडिएका खाल्डाहरूले दुर्घटना निम्त्याउने अवस्था बनेको छ ।
सडक विभाग र ठेकेदार कम्पनी दुवैको लापरबाहीका कारण गुणस्तरीय काम नहुँदा राज्यको करोडौँ रुपैयाँ खर्चको उचित उपयोग नहुने चिन्ता स्थानीयमा बढेको छ ।
बिज्ञापन
कालोपत्रे अघि आधारभूत मापदण्ड पुरा गर्नुपर्ने, गुणस्तरीय निर्माणको प्राविधिक परीक्षण गर्नुपर्ने, अधुरो काममै देखिएका त्रुटिहरू सच्याएर मात्र अन्तिम कालोपत्रे गर्ने माग स्थानीयको छ ।
अब सम्बन्धित निकायले तत्कालै निरीक्षण गरी कार्य सुधार नगरेसम्म हेमजा सडक खण्डमा दुर्घटना र जनआक्रोश बढ्ने संकेत देखिएको छ ।
