बिज्ञापन

बिज्ञापन

यसअघि नै घटनामा प्रत्यक्ष संलग्न ठहर गरिएका डीएसपी अमर लामालाई जिम्मेवारी खोसिएर आन्तरिक छानबिन अघि बढाइएको छ। लामा करिब चार महिनाअघि मात्रै रौतहट खटिएका थिए तर उनी बोर्डर आउट पोस्ट (बीओपी)मा कार्यरत रहँदा पनि विवादित बनेका थिए।

साउन २९ गते राति उपेन्द्र सहनीको शिवनगरस्थित घरमा डीएसपी लामाको नेतृत्वमा भएको छापामारीमा ७०० बोरा चिनी बरामद गरिएको थियो। तर भन्सारमा जम्मा १०६ बोरा मात्रै बुझाइएको रेकर्ड देखिएपछि ठुलो प्रश्न उठेको हो। भन्सार रेकर्डअनुसार सोसँगै ९ बोरा सिमेन्ट, १० बोरा मल र ९ बोरा सर्फ पनि बुझाइएको उल्लेख छ।

चिनी गायब प्रकरणपछि १७ जना प्रहरीलाई बर्दिबासस्थित नम्बर–२ बाहिनी कार्यालयमा उपस्थित गराएर बयान लिइएको थियो। सो क्रममा इन्स्पेक्टर रामचन्द्र लागेजुलाई ‘नसियत’ दिइएको छ।

गायब चिनीबारे आन्तरिक छानबिन अझै जारी छ भने स्रोतका अनुसार उच्च तहसम्मको संलग्नता नखुल्दै नखुल्दासम्म प्रकरण अझ गहिरिन सक्ने अनुमान गरिएको छ।