राजनीतिक विश्लेषक तथा नेपाल सरकारका पूर्वसचिव भिम उपाध्यायले उपसभामुखमाथि महाभियोग लगाउने कुनै संवैधानिक प्रावधान नभएको स्पष्ट पारेका छन्।
बिज्ञापन
उनका अनुसार संविधानको धारा १०१ मा महाभियोगसम्बन्धी व्यवस्था भए पनि त्यसमा उपसभामुखलाई समेटिएको छैन। “महाभियोग सम्बन्धी व्यवस्था संविधानको धारा १०१ मा छ तर उपसभामुखलाई महाभियोग लगाउन सकिने कुनै प्रावधान राखिएको छैन,” उनले लेखेका छन्।
बिज्ञापन
उपाध्यायका अनुसार सभामुख वा उपसभामुखले पदअनुरूपको आचरण नगरेको भन्ने प्रस्ताव मात्र प्रतिनिधिसभाको दुई तिहाइ बहुमतले पारित गरेमा उनीहरूको पद रिक्त हुने व्यवस्था संविधानको धारा ९१ मा उल्लेख छ।
उनले भनेका छन्, “उपसभामुखमाथि महाअभियोग लाग्दैन। उनले पद अनुरूपको आचरण नगरेको भन्ने कुरा प्रमाणित गर्न पनि सम्भव देखिँदैन।”
बिज्ञापन
संविधानविद्हरूको बुझाइमा पनि उपसभामुख संसद्को आन्तरिक पद भएकाले महाभियोगको दायराभित्र नपर्ने, बरु संसदकै दुई तिहाइ निर्णयबाट मात्र पदमुक्त गर्न सकिने प्रावधान रहेको छ।
