काठमाडौं । चालु आर्थिक वर्षको सुरुवातमै राष्ट्रिय किताबखानाले लागू गरेको “तलबि प्रतिबेदन पारित विशेष कार्ययोजना–२०८२” को पहिलो महिनाको प्रगति सार्वजनिक भएको छ।
बिज्ञापन
महानिर्देशक श्रवणकुमार पोखरेलको नेतृत्वमा कार्यान्वयन भईरहेको सो कार्ययोजनाअनुसार प्रत्येक निकायले आ.व. सुरु भएको दुई महिनाभित्र सप्रमाण तलबि प्रतिबेदन पेश गर्नुपर्नेछ। पुस्तिका पेश हुनेबित्तिकै विभागले म्यादभित्रै पारित गर्ने प्रतिबद्धता पोखरेलले जनाएका छन्।
बिज्ञापन
कानुनी व्यवस्थाअनुसार यस वर्ष ३७२ निकायले तलबि प्रतिबेदन पेश गर्नुपर्नेमा एक महिनाभित्र २३१ निकायले मात्र आफ्ना ७ हजार ९४७ कर्मचारीका प्रतिबेदन पेश गरेका छन्। तीमध्ये पुष्टि पुगेका ६ हजार ५८ जना कर्मचारीका प्रतिबेदन पारित भइसकेको किताबखानाले जनाएको छ।
तर अझै १४१ निकायले अहिलेसम्म विवरण पेस नगरेको कारण विशेष कार्ययोजना अनुसार भाद्र मसान्तभित्र शतप्रतिशत परिणाम निकाल्ने लक्ष्यमा चुनौती थपिएको महानिर्देशक पोखरेलले बताएका छन्।
बिज्ञापन
आर्थिक अनुशासनलाई मजबुत बनाउन र कानुनी दायित्व पूरा गर्न अनिवार्य मानिएको तलबि प्रतिबेदन पारित प्रक्रिया प्रभावकारी कार्यान्वयनका लागि विभागले सार्वजनिक सूचना जारी गर्दै बाँकी निकायलाई चाँडो प्रतिबेदन पेस गर्न आग्रह गरेको छ।
