बिज्ञापन

बिज्ञापन

‘मेरो घरमा फर्किएँ’

“मेरी बास्सै मेरो घर हो, यहाँ फर्किनु पुनर्जन्मजस्तै हो,” राजुले भने, “यसले मलाई कलाकार बनायो। अहिले लेखन र निर्देशनको जिम्मा पनि आएको छ, जुन गर्वको विषय हो, तर चुनौती पनि त्यत्तिकै छ।”

राजुले करिब १२ वर्षसम्म श्रृंखलामा निरन्तर अभिनय गरेपछि ६ वर्षको ब्रेक लिएका थिए। त्यो अवधिमा उनले ‘सकस’जस्ता आफ्नै सिर्जनामूलक टेलिश्रृंखलामा काम गरे—लेखनदेखि निर्माणसम्मका अनुभव बटुले।

नयाँ कथा, नयाँ गन्तव्य

राजु मास्टर फर्किंदैमा केवल पात्रको पुनरागमन होइन, कथावस्तु पनि ताजगीका साथ अगाडि बढ्ने भएको छ। यसपटक ‘मेरी बास्सै’को छायांकन धादिङको ज्वालामुखी गाउँपालिका–५, खरी भदुवारमा गरिएको छ। हालसम्म चार भागको छायांकन सकिएको राजुले बताए।

श्रृंखलामा पुराना चर्चित पात्रहरू पनि रहनेछन्—गोक्ते काजी (रामचन्द्र अधिकारी), दाह्री बा (सुरबिर पण्डित), चम्सुरी (पल्पसा डंगोल), निर्मली (निरु खड्का), बालक (दिपेन्द्र तिमल्सिना), राधिका (साया भण्डारी), सुन्दरे (मुकेश हमाल), ब्याजप्रसाद (यादव थापा) लगायत।

प्राविधिक पक्ष सुदृढ

श्रृंखलाको छायांकन जिम्मेवारी घनश्याम पोखरेल र ज्ञान कुमार कट्टेलले लिएका छन् भने सम्पादनमा रविन्द्र भट्ट र अशोक चौधरी जुटेका छन्। व्यवस्थापन पक्ष उज्जवल खड्काले सम्हाल्नेछन्।

राजुको पुनरागमनले ‘मेरी बास्सै’मा नयाँ ऊर्जा थपिएको देखिन्छ। दर्शकमाझ गहिरो छाप छाडेका पात्रहरू पुनः एकसाथ आउँदा सिरियलले आफ्नो पुरानो लय फर्काउने अपेक्षा गरिएको छ।

सन्देश स्पष्ट छ—’मेरी बास्सै’ अझै बाँकी छ!