बिज्ञापन

बिज्ञापन

श्रेष्ठले साउन १० चितवनका विभिन्न ठाउँमा ‘सिस्टम अपग्रेड’ गर्न लागिएको र विद्युत आपूर्ति रोकिने जानकारी गराउँदै एक सूचना जारी गरेका थिए । ‘लोडसेडिङ’कै झल्को दिनेगरी सूचना सार्वजनिक भएको दुई दिनपछि प्राधिकरणका कार्यकारी निर्देशक हितेन्द्रदेव शाक्य स्वयं चनौली पुगेका थिए ।

प्राधिकरणका उपनिर्देशक हरिप्रसाद घिमिरेको हस्ताक्षर रहेको सरुवा पत्रमा श्रेष्ठलाई पूर्वी नवलपरासीको सदरमुकाम कावासोतीस्थित वितरण केन्द्रमा पठाएको छ । श्रेष्ठको सरुवा कर्मचारी सेवा सर्त विनियमावली, २०७५ को विनियम ४९ को उपविनियम १ को खण्ड (ग) अनुसार गरिएको प्राधिकरणले जनाएको छ ।

गत साउन १२ गते चितवन आएका हितेन्द्र शाक्य समस्या भएको चनौली वितरण केन्द्र पुग्दा केन्द्र प्रमुख श्रेष्ठ जिल्लामा नै भएर पनि उपस्थित भएका थिएनन् । वितरण केन्द्रका अन्य इन्जिनियरहरुले शाक्यलाई सिस्टम अवलोकन गराएका थिए । त्यतिबेलै कार्यकारी निर्देशकको कर्के नजरमा परेका श्रेष्ठ अन्तत सरूवामा परेका हुन् ।सरुवा नियमित प्रक्रिया भए पनि श्रेष्ठको हकमा भने एमडी सन्तुष्ट नभएकै कारण यो निर्णय लिइएको त्यहाँका एक कर्मचारीले बताए ।