सरकारले चार जना सहसचिवको सरुवा गरेको छ । हिजो बसेको मन्त्रिपरिषद् बैठकले चार जना सचिवहरुको सरुवा गरेको हो । जस अनुसार आन्तरिक राजस्व विभागका उपमहानिर्देशक तीर्थराज चिलुवाललाई प्रधानमन्त्री तथा मन्त्रिपरिषद् कार्यालयमा सरुवा गरिएको छ । मकवानपुरको प्रमुख जिल्ला अधिकारीको भूमिकामा रहेका चिलुवाल अर्थ मन्त्रालय भित्रिएर आन्तरिक राजश्व विभागमा पुगेका थिए । उनलाई अहिले प्रधानमन्त्री तथा मन्त्रिपरिषदमा ल्याइएको हो ।
बिज्ञापन
प्रधानमन्त्री कार्यालय मातहतको राजश्व अनुसन्धान विभागको रिक्त महानिर्देशकको कुर्सी महिना दिनदेखि रिक्त छ । त्यहाँ जानका लागि नुवाकोटे उदय रानादेखि कोषहरि निरौलासम्मलाई मुख्य प्रत्यासी मानिएको थियो तर राजश्व क्याडरको रुपमा आन्तरिक राजश्व विभागका उपमहानिर्देशक तीर्थ चिलवाललाई बलियो उमेद्धार मानिएको छ ।चिलुवालले यसअघि अख्तियारको इटहरी प्रमुख,वाणिज्य विभाग चलाइसके्को अनुभव छ । अर्थ मन्त्रालयको राजस्व समूहका अधिकृत चिलुवालसँग राजस्व अनुसन्धान विभाग, अर्थ मन्त्रालय लगायतमा काम गरिसकेका अनुभवी प्रशासक हुन ।
बिज्ञापन
राजश्व अनुसन्धान विभागको महानिर्देशकमा प्रशासन समूहका क्याडरलाई नलैजाने सहमति अनुसार तीर्थलाई राजश्वमा लैजाने योजना अनुसार प्रधानमन्त्री कार्यालयमा भित्र्याइएको भनिदैंछ । यस अघि प्रशासनका सहसचिवलाई लैजादा काम विग्रिएको भन्दै त्यहाँ राजश्वकै क्याडरलाई पठाउने तयारी भइरहेको प्रधानमन्त्री तथा मन्त्रिपरिषद् कार्यालय स्रोतले जनाएको छ ।
उता जापानबाट पिचएडी सकाएर स्वदेश फर्किएका शेष नारायण पौडेललाई श्रम, रोजगार तथा सामाजिक सुरक्षा मन्त्रालयबाट राष्ट्रिय सहकारी नियमन प्राधिकरणको कार्यकारी निर्देशकमा पठाइएको छ । यस्तै बुद्धबहादुर गुरुङलाई आदिवासी जनजाति आयोगको सचिव र कोशी प्रदेश योजना आयोगका प्रदेश सचिव मिमांश अधिकारीलाई वन तथा वातावरण मन्त्रालयमा आइपुगेका छन् ।
बिज्ञापन
