सिंहदरबारमा मन्त्रिपरिषद् बैठक सुरु भएको छ । मन्त्रिपरिषद् बैठक सामान्यतः हप्ताको दुई दिन सोमबार र बिहीबार बस्ने गर्दछ । आजको बैठक नियमित होइन ।
बिज्ञापन
बिज्ञापन
प्रधानमन्त्री केपी शर्मा ओली भोलि स्पेनको औपचारिक भ्रमणमा निस्कन लागेको कारण आज बैठक बस्न लागेको हो । आजको बैठकमा प्रधानमन्त्रीको स्पेन भ्रमण लगायतका एजेन्डामा छलफल गर्ने तयारी छ। प्रधानमन्त्री शनिबार युरोपेली मुलुक स्पेनको औपचारिक भ्रमणमा जाँदैछन्। स्पेन भ्रमणका क्रममा त्यहाँ यही असार १६ देखि १९ गतेसम्म आयोजना हुने ‘विकासका लागि वित्तसम्बन्धी चौथो अन्तरराष्ट्रिय सम्मेलन’मा प्रधानमन्त्रीले भाग लिने कार्यक्रम छ।
यसअघि धेरैजसो बालुवाटारमा बस्दै आएको मन्त्रिपरिषद् बैठक शुक्रबार भने प्रधानमन्त्री तथा मन्त्रिपरिषद्को कार्यालय सिंहदरबारमा बसेको छ ।
बिज्ञापन
दिउँसो १ बजे बस्ने भनिएको बैठक करिब २ घण्टा ढिलो गरी सुरु भएको छ । प्रधानमन्त्री केपी ओली शनिबार युरोपेली मुलुक स्पेनको औपचारिक भ्रमणमा जानुअघि आज बैठक बसेको हो । बैठकले सरकारका नियमित काम कारबाहीका साथै केही नियुक्ति गर्ने बुझिएको छ ।
