गृह प्रशासनले दुई जिल्लाका प्रमुख जिल्ला अधिकारीसहित तीन सहसचिवको सरुवा गरेको छ । गृहले भक्तपुर र अर्घाखाँचीका प्रमुख जिल्ला अधिकारीसहित तीन सहसचिवको सरुवा गरेको छ । भक्तपुरका प्रजिअ गोपालप्रसाद अर्याललाई अर्घाखाँची सरुवा गरिएको छ भने भक्तपुरमा गृह मन्त्रालयका सहसचिव भरतमणि पाण्डेलाई खटाइएको छ । पाण्डे हालैमात्र गृह मन्त्रालयमा तानिएका थिए । यस्तै दुई महिना अगाडिबाट अर्घाखाँचीको प्रमुख जिल्ला अधिकारीको जिम्मेवारीमा पुगेका वेदप्रसाद खरेललाई गृहमा तानिएको छ ।

बिज्ञापन

जिल्ला प्रशासन कार्यालय अर्घाखाँचीको ५२ औं सिडियोका रुपमा दुई महिना अगाडिमात्र गृह मन्त्रालयले खरेललाई प्रमुख जिल्ला अधिकारीको जिम्मेवारी दिएर अर्घाखाँची पठाइएको थियो । यस अघिका प्रमुख जिल्ला अधिकारी बाबुराम अर्याल सात महिनामा त्यहाँबाट सरुवा भएर हिडेसँगै गत वैशाख ३ गतेदेखि प्रमुख जिल्ला अधिकारीका रुपमा अर्घाखाँची पुगेका थिए,खरेल । गत चैत्र २२ को गृहमन्त्रालयको निर्णय अनुसार प्रमुख जिल्ला अधिकारीको रुपमा अर्घाखाँचीमा हाजिर हुन पुगेका थिए खरेल । तर पछिल्ला दुई महिनामा आफूमातहतका कर्मचारीलाई अपशव्द बोल्ने,फाँटमा नबस्ने,कर्मचारीहरुलाई रेस्पोन्स समेत नगर्ने,सेवाग्राहीसँग झर्को फर्को गर्ने लगायतका उनका व्यवहारका कारण जिल्ला प्रशासनका कर्मचारीहरु हैरान र आजित थिए ।