सरकारले दुई बरिष्ठ सहसचिवलाई सहसचिव बढुवा गरेको छ । सोमबार बसेको मन्त्रिपरिषद्को बैठकले प्रशासनतिर रिक्त रहेको सचिव पदमा भुपाल बराल, प्राविधिकतर्फ बरिष्ठ सहसचिव दिनानाथ मिश्र सचिवमा बढुवा गरेको छ ।
बिज्ञापन
बढुवा सिफासि समितिले पहिलो नम्बरमा नाम सिफारिस गरेका बराललाई सरकारले सचिवमा उकालेको हो । बढुवा सिफारिस समितिले वरिष्ठ सहसचिवत्रय भुपाल बराल, डण्डुराज घिमिरे र खगेन्द्रप्रसाद सुवेदीको नाम सिफारिस गरेको थियो । यसरी बढुवा सिफारिस भएकामध्ये बराल वन तथा वातावरण मन्त्रालयमा, घिमिरे श्रम, रोजगार तथा सामाजिक सुरक्षा र सुवेदी लोक सेवा आयोगमा कार्यरत छन् ।
बिज्ञापन
बराल अर्थको क्याडर हुन । अर्थमन्त्रालयको बजेट महाशाखा, राजस्व व्यवस्थापन महाशाखा, नीति विश्लेषण महाशाखालगायत महत्वपूर्ण महाशाखामा बसेर काम गरेका उनी यस अघि आन्तरिक राजश्व विभागका महानिर्देशक समेत चलाइसकेको अनुभव छ,उनीसँग । पछिल्लो समय उनी अर्थबाट आउट हुँदै बनमा पुगेका थिए । २ वर्षयता वातावरण मन्त्रालयमा कार्यरत थिए बराल ।
यस्तै प्राविधिकतर्फ बरिष्ठताका आधारमा पहिलो नम्बरमा सिफारिस भएका सहसचिव दिनानाथ मिश्र सचिवमा बढुवा भएका छन् । जल तथा ऊर्जा आयोगको सचिवालयका सचिव मधु भेटवालले अवकाश पाएपछि बढुवा सिफारिस समितिले वरिष्ठ सहसचिवहरू दिनानाथ मिश्र, चिरञ्जीवी चटौत र जगदीश्वर कर्माचार्यको नाम सिफारिस गरेको थियो ।जसमध्ये मन्त्रिपरिषद्ले मिश्रलाई बढुवा गरेको हो ।
