नेपाल आमाको आँखामा पानी आखिर कहिलेसम्म
देशको लागि युवा बलिदानी आखिर कहिलेसम्म
बिज्ञापन
जनता मालिक बनाउने कयौँ तन्त्र आए कयौँ सहिद भए
तर जहिले कुर्सी तानातानी आखिर कहिलेसम्म
बिज्ञापन
स्वरोजगारको नारा ल्यायौ आखिर युवा खाडी पठायौ
हाम्रो परदेशी जिन्दगानी आखिर कहिलेसम्म
वनजङ्गल नदीनाला सम्पदा नी बेची खायौ
रित्याउँछौ देशको खानी आखिर कहिलेसम्म
बिज्ञापन
लाजघीन पचाएर खोक्रो आश्वासनले मात्र
चल्छ तिम्रो मनोमानी आखिर कहिलेसम्म
कि त सुध्रिनु आफै कि त जनताले नै सुधार्नु पर्ला
भ्रष्टाचारको खराब बानी आखिर कहिलेसम्म
