मन्त्रीले नजानु भन्दाभन्दै सचिव उडिछाडे । अटेरी गरेर १० दिने विदेश भ्रमणमा निस्किएका सचिव कृष्णहरि पुष्कर जसरी अर्थ सचिव बनेका थिए उसैगरी अर्थबाट बाहिरिने चर्चा छ अर्थ मन्त्रालयतिर ।
यस अघि सामान्य प्रशासनमा हुँदा अमेरिका भ्रमणमै रहेको समयमा पुष्करलाई अर्थमा ल्याइएको थियो । अहिले अमेरिका भ्रमणमै रहेको समयमा उनको सरुवा गर्न खोजिएको बताइएको छ । आफ्नो निर्देशन अवज्ञा गर्दै सचिव अमेरिका उडेपछि अर्थमन्त्री बर्षमान पुन अर्थसचिव कृष्णहरि पुष्करसँग असन्तृष्ट भएका छन् । पुष्कर अमेरिकामा आयोजना हुने विश्व बैंक र नेपालबीचको साझेदारीको नयाँ खाका, नेपालमा आयोजना हुन लागेको ‘आईडीए २१ औं रेप्लेनिसमेन्ट’ को दोस्रो बैठकको तयारी कार्यक्रममा भाग लिन बिहिबार अमेरिका उडेको अर्थ श्रोतले जनाएको छ ।
बिज्ञापन
पुष्कर १० दिने भ्रमणका लागि अमेरिका उडेका हुन । अर्थमन्त्री निकटका अनुसार मन्त्री पुनले पुष्करलाई तुरुन्तै कुनै भ्रमणमा ननिस्किन भनेका थिए । तर, मन्त्रालयका महाशाखा र निकायको मन्त्रीसँग विस्तृत ब्रिफिङ र छलफलहरु नसकिंदै अर्थसचिव पुष्कर अमेरिका हानिएसँगै मन्त्री सचिवसँग असन्तृष्ट हुन पुगेका छन् ।
बिज्ञापन
उसो त अर्थमन्त्री पुनले आफ्नो प्रशासनिक टिम नै परिवर्तन गर्ने तयारी गरिरहेका छन् । बजेटको मुखमा सहसचिवमात्र होइन,सचिव नै परिवर्तन हुन सक्ने अर्थमन्त्री निकट स्रोतले भनेको छ ।
अर्थसचिव पुष्करलाई नरुचाएका मन्त्री पुनले मन्त्रालयको प्रशासनिक नेतृत्व अब राजस्व सचिव घिमिरे वा अन्यलाई भित्र्याउन सक्ने संकेत मन्त्रीले गरिसकेका छन् । पुर्नगठित प्रचण्ड नेतृत्वको सरकारको दोश्रो क्याविनेट बैठकले गृह सचिवमा एकनारायण अर्याललाई ल्याएको थियो । गृहका सचिव दिनेश भट्टराईलाई प्रधानमन्त्री तथा मन्त्रिपरिषद्को कार्यालयमा खटाइएको थियो । अर्थ मन्त्रालयकै राजश्व सचिव रामप्रसाद घिमिरेलाई जिम्मेवारी दिन लागिएको अर्थ मन्त्रालय स्रोतले बतायो । कृष्णहरिको ठाउँमा राजश्व सचिव रामप्रसाद घिमिरेलाई सार्ने तयारी भइरहेको बताइएको छ । यस अघि संघीय मामिला तथा सामान्य प्रशासन सचिव हुँदा अमेरिका भ्रमणमै रहेका अवस्थामा पुष्कर सामान्यबाट अर्थमा पुगेका थिए । अहिले अमेरिका भ्रमणबाट नफर्कदै उनको पद खोसिए अनौठो नहोला भन्नेहरु पनि छन्,अर्थतिर ।
बिज्ञापन
सहसचिवबाट सचिवमा बढुवा हुँदा सिधै अर्थमा पोष्टिङ पाएका पुष्करलाई त्यहाँबाट संघीय मामिला तथा सामान्य प्रशासनमा सरुवा गरिएको थियो । २४ असार २०७८ मा मात्रै सचिवमा बढुवा भएका पुष्कर डेढ महिनामै राजस्व सचिवका रुपमा अर्थ मन्त्रालयमा इन्ट्री मारेका थिए । केही महिना पछि उनी सामान्यमा पुगेकामा फेरि अर्थमै इन्ट्री मार्न सफल भएका थिए ।
