संघीय मामिला तथा सामान्य प्रशासन मन्त्रालयले दरबन्दी लुकाउँदै आएको बिषय फेरि प्रकाशमा आएको छ । आयोगले यस अघि एकै पटक ४२० शाखा अधिकृतका लागि विज्ञापन खोल्दा दरबन्दी लुकाएर विज्ञापन खोलिएको बिषय अदालतमा प्रवेश पाएपछि स्थगित भएको शाखा अधिकृतको विज्ञापन फेरि प्रकाशन भएकोछ,संख्या थपेर ।
बिज्ञापन
लोकसेवा आयोगले झण्डै तीन महिना पछाडि नेपाल प्रशासन सेवा लेखा समूहको साविक विज्ञापित पद संख्यामा थप ४७ पद थपेर अर्काे विज्ञापन खोलेको छ । यस अघि उच्च अदालत पाटनले शाखा अधिकृत तहको बढुवा विज्ञापन अगाडि नबढाउन संघीय मामिला तथा सामान्य प्रशासन मन्त्रालयलाई आदेश दिएसँगै अधिकृतको विज्ञापन प्रभावित भएको थियो ।
बिज्ञापन
यस अघि संघीय मामिला तथा सामान्य प्रशासनले पद लुकाएर विज्ञापन माग गरेपछि सोही अनुसार लोकसेवाले गत मंसिर २६ गते एकै पटक ४२० अधिकृत तहका लागि विज्ञापन खुलाएको थियो । आयोगले खुला,समावेशी र जेष्ठताबाट गरी कूल ४२० पदमा विज्ञापन प्रकाशन गरेको थियो । जेष्ठता र कार्यसम्पादनद्धारा हुने बढुवाद्धारा पूर्ति गर्नुपर्ने पदमा निजामती सेवा ऐन २०४९,कर्मचारी समायोजन ऐन २०७५ र राष्ट्रिय मानव अधिकार आयोग सेवाका कर्मचारीको हकमा राष्ट्रिय मानव अधिकार आयोगका कर्मचारीहरुका सेवा,शर्त र नियमावली अनुसार क्रमश न्याय समूहका लागि २२,न्याय सेवा,कानुनतर्फ ५,सरकारी वकिल ७,परराष्ट्र सेवातर्फ २८,प्रशासन सेवा,सामान्य प्रशासन समूहतर्फ २५,लेखा समूह १८,राजश्वतर्फ १३ र लेखापरीक्षणतर्फ ४ पद गरी १२२ पदमा बढुवाद्धारा पदपूर्ति गर्न भन्दै विज्ञापन गरेको थियो ।
यस्तै मानव अधिकारसेवातर्फ २ पदमा विज्ञापन खुलाइएको थियो भने आयोगले खुला तथा समावेशी प्रतियोगिताबाट न्याय,कानुन,सरकारी वकिलतर्फ ८१ पदमा, परराष्ट्र,प्रशासन,लेखा,राजश्वतर्फ गरी खुला ११६,महिला ३३,आदिवासी जनजाती २४,मधेसी २२,दलित १०,अपाङ्ग ४ र पिछडा क्षेत्रबाट ४ गरी २१३ पदमा विज्ञापन खुलाएको छ ।यस्तै आयोगले राष्ट्रिय मानव अधिकारतर्फ ४ पदमा विज्ञापन खोलेको थियो ।
बिज्ञापन
आयोगका अनुसार,न्याय सेवातर्फ ८१,प्रशासनतर्फ २१३ र मानव अधिकारतर्फ ४ गरी २९८ खुला तथा समावेशी प्रतियोगिताबाट पदपूर्ति गर्न लागिएको हो भने बढुवाबाट १२२ पदमा पदपूर्तिका लागि विज्ञापन खोलिएको हो ।
सोही विज्ञापन मध्ये जेष्ठता र कार्यसम्पादन मूल्याङ्कनद्वारा हुने बढुवाका खुलाइएको विज्ञापनमा संघीय मामिला तथा सामान्य प्रशासन मन्त्रालयलाई विपक्षी बनाउँदै कर्मचारीहरु उच्च अदालत पुगेका थिए ।
जस अनुसार,आयोगले नेपाल प्रशासन सेवा लेखा समूहतर्फ यस अघि जेष्ठता तथा कासमूद्धारा हुने बढुवा १८ वटा पदमा मात्र विज्ञापन खोलिएकोमा थप १४,खुलातर्फ १८ कोटा थपेर ४२,महिला ५,आदिवासी जनजाती ४,मधेसी ३,दलित २ र अपागं कोटामा थप १ गरी कूल ४६ पद थपेर शाखा अधिकृतको विज्ञापन खुलाइएको छ ।
