सरकारले आगामी बर्ष अर्थात ०८२ सालमा सार्वजनिक तथा पर्व विदाको सूची राजपत्रमा प्रकाशन गरेको छ । जसअनुसार ५२ दिन शनिवार सार्वजनिक बिदा परेको छ ।
बिज्ञापन
यस्तै पर्व विदामा वैशाख १ गते नयाँ बर्ष, २९ वैशाख चण्डी पूर्णिमा,साउन २४ मा रक्षावन्धन,३१ साउनमा श्रीकृष्ण जन्माष्टमी पर्व विदा परेको छ । यस्तै,असोज ६ गते घटस्थापना परेको छ भने दशैं विदा असोज १३ गतेदेखि असोज १८ गतेसम्म विदा परेको छ । यस्तै तिहारको अवसरमा कार्तिक ३ गतेदेखि कार्तिक सात गतेसम्म बिदा पर्ने छ । छठ पर्व कार्तिक १०,मंसिर १८ धान्य पूर्णिमा,पुस १० क्रिसमस (इसाई धर्मावलम्बीका लागिमात्र),पुस १५ तमु ल्होसार,माघी पर्व माघ १ गते सार्वजनिक बिदा दिइएको छ ।
यस्तै,५ माघ सोनामा ल्होसार,फागुन ३ गते महाशिवरात्री पर्व,६ फागुनमा ग्लाल्पो ल्होसार,१८ फागुन फागू पूर्णिमाको अवसरमा विदा दिइएको छ ।
बिज्ञापन
यो हिसाबले बर्षभरमा २६ दिन पर्व बिदा,६ दिन विभिन्न दिवसको अवसरमा सार्वजनिक बिदा परेको छ । जसमा मजदुर दिवसका अवसरमा वैशाख १८,गणतन्त्र दिवस १५ जेठ,संविधान दिवस ३ असोज,माघ १६ शहीद दिवस,प्रजातन्त्र दिवस फागुन ७,महिला दिवस फागुन २४ मा सार्वजनिक विदा हुनेछ,सबैलाई । यस्तै,२९ वैशाख बुद्ध जयन्ती,२७ पुस पृथ्वी जयन्तीमा समेत सबैलाई सार्वजनिक बिदा पाउनेछन् । यो समेत गरी बर्षभरमा ३४ दिन सार्वजनिक बिदा परेको छ ।
यस्तै २५ साउनमा गाइजात्रा,१ भदौंमा इन्द्रजात्रा पर्व परेको छ । चैत्र ४ मा भोटो देखाउने जात्रामा सार्वजनिक बिदा दिइएको छ । २६ दिन पर्व विदा परेको छ । यस्तै गाइजात्राको अवसरमा साउन २५ मा काठमाडौं उपत्यकामा विदा हुनेछ । १५ भदौंमा गौरा पर्व,९ माघमा बसन्त पञ्चमीको अवसरमा शिक्षण संस्थाहरु बन्द हुनेछन् ।
बिज्ञापन
देशभर लागू हुने सार्वजनिक बिदाबाहेक काठमाडौं उपत्यकामा गाइजात्रा, घोडेजात्रा, मत्येन्द्रनाथको भोटो देखाउने जात्रा र इन्द्रजात्रामा सार्वजनिक बिदा दिइएको छ । देशभर महिलाहरुका लागि तिज र जितिया पर्वमा बिदा दिइएको छ । फाल्गुनन्द जयन्ती, गुरु नानक जयन्ती र मोहम्मद जयन्तीमा सम्बन्धित समुदायलाई बिदा दिइएको छ ।
