सरकारले विभिन्न स्थानीय तहमा कार्यरत १३ जना प्रमुख प्रशासकीय अधिकृतको जिम्मेवारी हेरफेर गरेको छ । मन्त्रालयले हरेक १ र १५ गते कर्मचारी सरुवा गर्ने नीति लिएको भए पनि अस्ति १२ गते सोमबारको निर्णय अनुसार,उनीहरुको सरुवा भएको हो । जसमा ६ प्रमुख प्रशासकीय अधिकृत र १३ जना शाखा अधिकृत सरुवा हुँदा ३ अधिकृतहरु स्थानीय तहबाट सरुवा भएर गृहमा भित्रिएका छन् ।
बिज्ञापन
सरुवाको सूची अनुसार,कल्याणपुर नगरपालिकाबाट प्रमुख प्रशासकीय अधिकृत राजकुमार दास,सिम्ता गाउँपालिका,सुर्खेतबाट राजेन्द्रकुमार चन्द,मालिका गाउँपालिका गुल्मीबाट झविश्वर रेग्मी गृह मन्त्रालयमा भित्रिएका छन् । यस्तै सरुवाको सूची अनुसार,सिरहाको विष्णुपुर गाउँपालिकाको प्रमुख प्रशासकीय अधिकृतमा सावान कुमार चौधरीलाई पठाएको छ । उनी हाल मन्त्रालयको अतिरिक्त समूहमा कार्यरत थिए ।
बिज्ञापन
विष्णुपुर गाउँपालिकामा कार्यरत प्रमुख प्रशासकीय अधिकृत चन्द्र नारायण चौधरीलाई भने सिरहाको भगवानपुर गाउँपालिकामा सरुवा गरिएको छ । माधवनारायण नगरपालिकामा कार्यरत श्रीदेव यादवलाई सिरहाको कल्याणपुर नगरपालिकामा सरुवा गरिएको छ । यस्तै शाखा अधिकृत धनन्जय प्रसाद दास गढीमाइ नगरपालिका रौतहटबाट कटहरिया नगरपालिका रौतहटमा पुगेका छन् ।
यस्तै जिल्ला सामन्वय समितिको कार्यालय जुम्लामा कार्यरत संगीता धिताल उद्योग बाणिज्य तथा आपूर्ति मन्त्रालयमा सरुवा भएकी छन् भने जिसस कपिलवस्तुमा कार्यरत पुनम जिसीलाई लुम्बिनी प्रदेश प्रमुखको कार्यालय पठाइएको छ ।
बिज्ञापन
बारेकोट गाउँपालिका जाजरकोटका प्रमुख प्रशासकीय अधिकृत लोकराज खत्रीको पनि उद्योग वाणिज्य तथा आपूर्ति मन्त्रालयमा आएका छन् । प्युठानको सरुमारानी गाउँपालिकामा कार्यरत प्रमुख प्रशासकीय अधिकृत देवीराम पाठकको राप्ती गाउँपालिकाको प्रमुख प्रशासकीय अधिकृतका रुपमा सरुवा भएको छ ।
मन्त्रालयका अनुसार लुम्बिनी प्रदेश प्रमुखको कार्यालयमा कार्यरत काशिराम पन्थी मालिका गाउँपालिका गुल्मीको प्रमुख प्रशासकीय अधिकृतको जिम्मेवारी सहित पालिकामा पुगेका छन् ।
