काठमाडौँ, १३ फागुन । राष्ट्रिय प्रजातन्त्र पार्टीका सांसद ज्ञानबहादुर शाहीले केपी ओली नेतृत्वको सरकारले प्रमुख प्रशासकीय अधिकृत नपठाएर काठमाडौँ महानगरपालिकालाई बन्धक बनाएको बताएका छन् ।
बिज्ञापन
मंगलबार प्रतिनिधिसभाको आकस्मिक समयमा उनले सरकारले प्रमुख प्रशासकीय अधिकृत नपठाउँदा सरसफाइकर्मी, शिक्षक र कर्मचारीले पारिश्रमिक पाउन नसकेको बताए ।
बिज्ञापन
नयाँ आएका नगर प्रमुखलाई असहयोग गर्न प्रमुख प्रशासकीय अधिकृत नपठाउनुभन्दा आगामी स्थानीय तहको निर्वाचनमा निर्वाचन नगरी आफ्ना कार्यकर्तालाई अबिर जात्रा गरी नगर प्रमुखको रूपमा पदभार ग्रहण गर्ने व्यवस्था गर्न उनले चुनौती दिए ।
काठमाडौं महानगरमा प्रमुख प्रशासकीय अधिकृत पठाइदिन मेयर बालेन्द्र साह बालेनले सरकारलाई पत्र पठाएको झन्डै दुई महिना भइसकेको छ । तर अहिलेसम्म सरकारले पठाउन सकेको छैन ।
बिज्ञापन
“गाउँ-गाउँमा सिंह गयो, दरबार गएन। ओली सरकारबाट जनताको कहिल्यै पनि भलो भएन। आज काठमाडौं महानगरपालिका लगायत सबै नगरपालिका, धेरैभन्दा धेरै गाउँपालिकामा प्रमुख प्रशासकीय अधिकृत ठप्प रोकेर राखिएको छ। सबै शिक्षक, कर्मचारीहरू सबका सब ठप्प छन्। काठमाडौं महानगरपालिकामा आज सरसफाइ गर्ने कर्मचारीले तलब खान पाएका छैनन्। ओली सरकारलाई त्यसको पाप लाग्ला,’ उनले भने।
“म भन्न चाहन्छु यदि सरकारलाई त्यो लाग्छ भने अब आउने स्थानीय तह निर्वाचनमा…चुनाव किन गराएको? आफ्नो आसेपासे कार्यकर्तालाई टीका लगाएर, अबिर जात्रा गरेर घोषणा गरिदिनूस्। आज देशभरि हालत बेहाल बनाइएको छ। आज देशका सबै प्रमुख प्रशासकीय अधिकृत यहाँबाट रोकेर ठप्प बनाइएको छ। यसको घोर भर्त्सना गर्न चाहन्छु,’ उनले भने।
