स्वास्थ्य तथा जनसंख्या मन्त्रालयका सचिव डा रोशन पोखरेल अनिवार्य अवकाशमा जाँदैछन् । उनी आजैदेखि अनिवार्य अवकाशमा जान लागेका हुन ।  २०७६ फागुन १२ गतेको मन्त्रिपरिषद्को बैठकबाट  स्वास्थ्य मन्त्रालयको प्रमुख विशेषज्ञमा बढुवा भएका उनी २०७८ साउन ४ गते  सचिवमा उक्लिएका थिए । ३ वर्ष ७ महिना सचिवको भूमिकामा काम गरेका उनी आजबाट घर फर्किन लागेका हुन ।

निजामती किताबखानाको तथ्यांक अनुसार,फागुन महिनामै अरु दुई सचिव सेवा निवृत्त हुँदैछन् । अबको पाँच महिनाभित्रमा थप ८ सचिव तहका कर्मचारीहरु अवकाशमा जादैछन् । नक्कली भुटानी शरणार्थी प्रकरणमा परेर हाल  केन्द्रीय कारागार सुन्धारामा थुनामा रहेका टेकनारायण पाण्डे र राष्ट्रिय योजना आयोगका सचिव मधुकुमार मरासिनी अवकाश फागुनभित्रै अवकाशमा जाँदैछन् ।  अवको चार दिन पछि नै राष्ट्रिय योजना आयोगका सचिव मधुकुमार मरासिनी फागुन १६ गते घर जाने भएका हुन ।

मुख्य सचिव बनेका भए एकनारायण अर्याल पनि अवको साता दिन पछि अवकाशमा जाने थिए । उनी मुख्य सचिव नियुक्त भएसँगै अर्काे एक बर्ष जिम्मेवारीमा रहनेछन् ।

यस पछि एकै पटक भूमि सचिव  अर्जुनप्रसाद पोखरेल ०८२ वैशाख २ गते अवकाश पाउनेको सूचीमा छन् । यस्तै सोही महिनाको २५ गते पर्यटन सचिव विनोद प्रकाश सिंह ५८ वर्षे उमेर हद लागेर घर जाँदैछन् । संस्कृति, पर्यटन तथा नागरिक उड्डयन मन्त्रालयबाट सरुवामा परी महालेखा नियन्त्रकको जिम्मेवारीमा रहेका गणेशप्रसाद पाण्डे वैशाख ३० गते घर जानेमा पर्छन् ।

कानुन, न्याय, तथा संसदीय मामिला सचिव उदयराज सापकोटा ०८२ जेठ २८ गते, व्यवस्थापिका संसद् सचिवालयका सचिव सुदर्शन खड्का ०८२ साल जेठ ३० गते अवकाश हुँदैछन् । यस्तै, ०८२ असार ६ गते हाल महालेखा परीक्षकको कार्यालयमा कार्यरत रहेका वामदेव अधिकारी घर फर्कदैछन् ।