बिज्ञापन
नेपाल प्रहरीका डीआईजी जनक भट्टराई प्रहरी अतिरिक्त महानिरीक्षक (एआईजी)मा बढुवा सिफारिस भएका छन् ।
बिज्ञापन
आज बिहान बसेको बढुवा सिफारिस समितिको बैठकले भट्टराईलाई एआइजी बढुवाका लागि सिफारिस गरेको हो । हाल कर्णाली प्रदेश प्रहरी कार्यालय सुर्खेतमा दरबन्दी रहेको भट्टराईलाई अब मन्त्रिपरिषदले एआइजीमा बढुवा गर्ने निर्णय गरेपछि उनी नियुक्त हुनेछन् ।
प्रहरी अतिरिक्त महानिरीक्षक (एआईजी) रवीन्द्र केसीले राजीनामा दिएपछि भट्टराईलाई एआईजीमा बढुवा गर्न बाटो खुलेको थियो । उनलाई एआईजीमा बढुवा गर्नकै लागि अर्का एआईजी रवीन्द्र केसीलाई राजीनामा गराएर कोटा खालि गराइएको थियो।
बिज्ञापन
भट्टराईले एआईजीका रूपमा दुई साता मात्रै काम गर्न पाउने छन्। भट्टराई २०८१ चैत ५ मा अवकाशमा जाँदै छन् । उनी वर्तमान प्रहरी महानिरीक्षक वसन्तबहादुर कुँवरकै ब्याची हुन ।
