जिल्ला निर्वाचन कार्यालय कञ्चनपुरका प्रमुख उदयराज जोशीको निधन भएको छ । भीमदत्त नगरपालिका-४ घर भएका जोशीको सोमबार बिहान साढे ३ बजेतिर निधन भएको निर्वाचन कार्यालयका सूचना अधिकारी भानबहादुर महराले बताए ।
बिज्ञापन
आज मृतक जोशीलाई एम्बुलेन्स मार्फत महेन्द्रनगर लगिएको छ । उनका अनुसार जोशी यही माघ २४ गते बिहीबार कार्यालयकै कामको सिलसिलामा काठमाडौँ गएका थिए । उनलाई शुक्रबार बिहानै ४ बजेतिर कोठामा बेहोस अवस्थामा फेला पारिएको थियो । उपचारका लागि कृष्ट हस्पिटल लगिएका उनको मस्तिष्कघातका कारण निधन भएको सूचना अधिकारी महराले बताए ।
बिज्ञापन
जोशीले २०७९ को स्थानीय, प्रदेश र संघ तथा २०८१ को भीमदत्त ६ को उप निर्वाचनमा सक्रिय भूमिका निर्वाह गरेका थिए ।
बिज्ञापन
