संघीय मामिला तथा सामान्य प्रशासन मन्त्रालयले पछिल्लो तीन महिनामा अधिकृतस्तरका ३१७ कर्मचारी बढुवा गरेको जनाएको छ । मन्त्रालयले उपसचिव बाट सहसचिव तहमा ८४ जना कर्मचारीलाई बढुवा गर्दा शाखा अधिकृतबाट उपसचिव तहमा २३३ जनालाई बढुवा सिफारिस गरिएको जनाएको छ । मन्त्रालयले जेष्ठता तथा कार्यसम्पादन मूंल्याकनद्धारा हुने बढुवाका आधारमा ४७ र कार्यक्षमता मुल्याकनका आधारमा हुने बढुवाबाट ३७ गरी ८४ जना उपसचिवलाई सहसचिव तहमा बढुवा सिफारिस गरेको हो ।
बिज्ञापन
यस्तै बढुवा सिफारिस समितिले २३३ जना अधिकृतलाई उपसचिव तहमा बढुवा सिफारिस गरेको छ । बढुवा सिफारिस समितिको विभिन्न समयमा भएको बैठकका आधारमा कार्यक्षमता,कार्यसम्पादन र जेष्ठताका आधारमा ती अधिकृतहरुलाई उपसचिवमा बढुवा सिफारिस गरिएको मन्त्रालयले जनाएको छ । जसमा कार्यक्षमताका आधारमा ११५ र जेष्ठता तथा कार्यसम्पादन मुंल्याकनका आधारमा ११८ जना बढुवा सिफारिस गरिएको मन्त्रालयले जनाएको छ ।
बिज्ञापन
यही अवधिमा मन्त्रालयको स्थानीय तह कर्मचारी प्रशासन शाखाले ५० उपसचिव,१७५ शाखा अधिकृत,नासु र खरदार तहका ३३ कर्मचारीलाई सरुवा,कामकाज तथा पदस्थापन गरेको जनाएको छ भने ४५ जनालाई आर्थिक र प्रशासनिक जिम्मेवारी दिएर खटाएको मन्त्रालयले जनाएको छ । यस्तै संघीय तथा प्रादेशिक कर्मचारी शाखाले यो बीचमा ५३ सहसचिव,५४ उपसचिव,शाखा अधिकृत १८६ जनाको सरुवा गरेको छ । मन्त्रालयले पछिल्लो तीन महिनामा अधिकृत स्तरका ५१८ जना कर्मचारीको सरुवा गर्दा राजपत्र अनंकित र श्रेणीविहिन ३६५ कर्मचारीको सरुवा गरेको जनाएको छ । यस्तै यही अवधिमा राजपत्राकित १७६ जनाले स्थायी नियुक्ति पाएको मन्त्रालयले जनाएको छ ।
