संघीय सचिवालय निर्माण तथा व्यवस्थापन कार्यालयले ज्यालादारी कर्मचारीहरुलाई न्यून कन्टिजेन्सी रकमका कारण काममा लगाउन नसकिएको जनाएको छ । कार्यालयले कर्मचारी प्रेसमा रुदैं रुदैं मन्त्रालय धाइरहेका छौं, हाम्रा आँशु कसैले देख्दैन शीर्षकमा पीडितहरुको भनाई समेटेर प्रकाशित सामाग्रीप्रति खण्डन गर्दै ती कर्मचारीप्रति सहानुभूति हुँदा हुँदै काममा राख्न नसकिएको जनाएको छ ।
भने ती कर्मचारीहरु अस्थायी,करार नभई ज्यालादारी कर्मचारी भएको प्रष्टाएको छ । दैनिक ज्यालादारी काम लगाउँदा यस कार्यालयमा विनियोजित पूँजीगत निर्माण तथा मर्मत सुधार कार्यमा प्रचलित कानुन बमोजिम छुट्टयाइने ४ प्रतिशत कन्टिन्जेन्सी मध्ये वर्क चार्ज स्टाफ कष्टको लागि छुट्टाइने २ प्रतिशत कन्टिन्जेन्सीबाट भुक्तानी गर्ने गरिएको जनाएको छ । हालको अवस्थामा ज्यालादारी कर्मचारीहरुलाई पारिश्रमिकता दिन यस कार्यालयमा विनियोजित पूँजीगत निर्माणको रकम न्यून भएकाले बाध्यतावश ती कर्मचारीहरुलाई पस १ गतेबाट काममा नलगाइएको सो कार्यालयका सूचना अधिकारी उमेश कुमार चौधरीले जनाएका छन् ।
बिज्ञापन
उनीहरुको हकमा रकम कम भएकै कारण ३ महिनाको पारिश्रमिकता दिन बाँकी रहेकोमा कार्यालय खर्चका आधारमा कन्टिजेन्सी रकम व्यवस्था भएर हाललाई २ महिनाको पारिश्रमिकता भुक्तानी गर्ने प्रक्रियामा कार्यलय रहेको र बाँकी १ महिनाको पारिश्रमिकता कन्टिजेन्सी रकम व्यवस्था हुने वित्तिकै भुक्तानी गराइने बिषयमा गत मंसिर २८ मा सम्बन्धित कर्मचारीलाई जानकारी गराइएको कार्यालयले जनाएको छ । कार्यालयले बजेट भएको खण्डमा मात्र काममा लगाउने गरेको मन्त्री,सचिव,कार्यालय प्रमुख कसैको मान्छे ज्यालादारीमा नराखिएको पनि कार्यालयका सूचना अधिकारी चौधरीद्धारा प्रेषित खण्डन पत्रमा जनाइएको छ ।
बिज्ञापन
