सर्बोच्च बारको निर्वाचनमा एमाले र माओवादी आबद्ध वकिलहरुबीच गठबन्धन भएको छ । सत्तामा काँग्रेस र एमालेको गठबन्धन भए पनि बारको नेतृत्व लिनका लागि एमालेले माओवादीसँग गठबन्धन गरेको हो ।
यस अघि हालैमात्र सम्पन्न नेपाल पत्रकार महासंघमा सत्तारुढ दल एमाले र काँग्रेस मिलेर साना दलसँग चुनावी प्रतिष्प्रर्धा भएको थियो भने हालै सम्पन्न नेपाल नर्सिङ संघमा माओवादीसँग मिलेर काँग्रेससँग प्रतिष्प्रर्धा गरेकै शैलीमा सर्वोच्च अदालत बार एसोसिएसनमा माओवादीसँग मिलेर काँग्रेससँग भिड्न लागिएको हो ।

बिज्ञापन

आगामी पुस २० गते हुने निर्वाचनमा एमालेनिकट कानुन व्यवसायीहरुको संगठन पिपिएलए र माओवादी सम्बद्ध आरपिएलएबीच मिलेर जाने सहमति भएको हो । सर्वाेच्च वारमा काँग्रेस निकट प्रजातान्त्रिक धारका वकिलहरुको वर्चश्व रहेको छ । उच्च अदालत पाटनमा एमाले निकट,काठमाडौं बारमा काँग्रेस निकट र ललितपुर वारमा माओवादी निकट वकिलहरुको वर्चश्व रहेको छ ।
यस्तो समयमा बृहत लोकतान्त्रिक,समाजवादी,समावेशी पेशागत कानुन व्यवसायीहरु एकातिर र एमाले–माओवादी गठबन्धन अर्काेतिर भएर चुनावी प्रतिष्प्रर्धामा होमिन लागेका हुन । एमाले माओवादीको गठबन्धनबाट महेश थापा अध्यक्षमा अघि सारिएका छन् भने काँग्रेस–एस प्यानलले मेघराज पोखरेललाई उम्मेदवार बनाएको छ ।
आगामी पुस २० गते हुने सर्वोच्च बार एशोसियसनको निर्वाचनमा एमालेनिकट प्रगतिशील कानून व्यवसायी संघको तर्फबाट अध्यक्षमा महेश थापा उम्मेदवार छन् । उपाध्यक्षमा नेकपा एसनिकट एसपिएलएका अम्बर बहादुर राउत,रमणकुमार श्रेष्ठ,पुनदेवी महर्जन,रामचन्द्र पौडेल,शशी बस्नेत लगायत प्रतिष्प्रर्धामा होमिदैं छन् ।