स्वास्थ्य तथा जनसंख्या मन्त्रालयले मन्त्रालयले ठूलो सख्यामा कर्मचारीहरुको सरुवा गरेको छ । मन्त्रालय र मातहतका निकायमा प्रशासनिक पदमा रहेका ४७ जना कर्मचारीको सरुवा तथा पदस्थापना गरेको छ ।
बिज्ञापन
स्वास्थ्य तथा जनसंख्या मन्त्री प्रदीप पौडेलले मन्त्रालयको एकै स्थानमा लामो समयदेखि रहेका रैथाने कर्मचारीहरुको सरुवा गरेका छन् । स्वास्थ्य सेवा विभागमा २५ बर्ष देखि रहेका डिक बहादुर विष्ट लगाएत १० बर्ष भन्दा लामो समय एउटै कार्यालयमा कार्यरत कर्मचारीहरूलाई अन्यत्र सरुवा गरिएको छ। मन्त्रालयले शाखा अधिकृत, तथ्यांक अधिकृतको सरुवा र पदस्थापन गरेको छ ।
बिज्ञापन
मन्त्रालयले शाखा अधिकृत स्वास्थ्य तथा जनसंख्या मन्त्रालयमा कार्यरत रामप्रसाद ओलीलाई स्वास्थ्य सेवा विभाग, टेकुमा सरुवा गरेको छ । आयुर्वेद तथा वैकल्पिक चिकित्सा विभाग, टेकुमा कार्यरत सुरेश भट्टराईलाई स्वास्थ्य तथा जनसंख्या मन्त्रालयमा सरुवा गरिएको छ ।
यसैगरी, केही नायब सुब्बाको सरुवा तथा पदस्थापन भएको छ । यस्तै मन्त्रालयको स्रोतको अनुसार तिहार सकिए लगतै एकै स्थानमा लामो समयदेखि रहेका रैथाने स्वास्थ्यकर्मीहरु पनि ठूलो सख्यामा सरुवा गर्दै छ । विशेष गरि १० औं तह देखि ५ औं तहसम्मको स्वास्थ्यकर्मीहरु सरुवा हुनेछ ।
बिज्ञापन
