सोमबार मुम्बईबाट उडेका तीन उडानमा बम रहेको धम्की दिइएको थियो । एयर इन्डियाको पहिलो उडान मुम्बईबाट न्यूयोर्क जाँदै थियो। सूचना प्राप्त हुनासाथ विमानलाई दिल्लीतर्फ मोडियो ।
बिज्ञापन
विमान हाल दिल्लीको इन्दिरा गान्धी अन्तर्राष्ट्रिय विमानस्थलमा पार्क गरिएको छ। विमानमा २३९ यात्रु सवार छन् ।दोस्रो उडान इन्डिगोको ६ई-१२७५ हो, यो मुम्बईबाट मस्कट जाँदै थियो। तेस्रो उडान इन्डिगोको ६ई ५६ हो। यो मुम्बईबाट जेद्दा जाँदै थियो । यी दुवै विमानलाई आइसोलेसन बेमा राखेर परीक्षण भइरहेको छ ।
बिज्ञापन
अहिले सबै यात्रुलाई विमानबाट उतारिएको छ । यहाँ मुम्बई-हावडा मेललाई पनि बम विस्फोट गर्ने धम्की दिइएको थियो। तर, छानबिन पछि रेललाई गन्तव्यमा पठाइएको थियो।
पछिल्लो ५ दिनमा विमानमा बमको धम्कीको यो दोस्रो घटना हो । अक्टोबर ९ मा पनि लण्डनबाट दिल्लीका लागि उडेको भिस्तारा एयरलाइन्सको उडान युके १८ मा बम रहेको जानकारी आएको थियो । उडान दिल्ली पुग्न करिब ३.५ घण्टा अघि, एक यात्रुले विमानको शौचालयमा धम्कीपूर्ण टिस्यु पेपर देखेका थिए।
बिज्ञापन
उनले चालक दलका सदस्यलाई जानकारी दिए । विमानमा करिब ३ सय यात्रु र चालक दलका सदस्य सवार थिए । सुरक्षा जाँचका कारण करिब ५ घण्टा यात्रु विमानस्थलमै अलपत्र परेका थिए ।एजेन्सी
