अविरल वर्षासँगैको बाढीपहिरोमा परेर देशभर ६० जनाको मृत्यु भएको छ । सबैभन्दा बढी काठमाडौं उपत्याकामा मात्र ३४ जनाको मृत्यु भएको छ भने २१ जना बेपत्ता भएका छन् ।
बिज्ञापन
प्राप्त विवरणअनुसार काठमाडौंमा नौ जनाको मृत्यु,आठ घाइते, एक जना बेपत्ता र ४२० जनाको उद्धार गरिएको छ । चार वटा घर भत्केको छ भने २२६ घर डुबानमा परेको छ । काठमाडौंमा नेपाल प्रहरीबाट तीन हजारभन्दा बढी जनशक्ति खटिएको छ ।
बिज्ञापन
ललितपुरमा नौको मृत्यु भएको छ भने २८१ को उद्धार गरिएको छ । ललितपुरको होचो स्थानका अधिकांश घरमा बाढीको पानी पसेको छ । ललितपुरमा नेपाल प्रहरीका नौ सय जना र सशस्त्र प्रहरी बलका ३० जना उद्धारमा खटिएका छन् ।
उता भक्तपुरमा पाँच जनाको मृत्यु, घाइते एक जना र बेपत्ताको संख्या चार पुगेको छ । हालसम्म २७ जनाको उद्धार गरिएको छ । भक्तपुरको एउटा घर भत्किएको छ भने धेरै घरमा पानी पसेको छ । भक्तपुरमा झण्डै डेढ सय प्रहरी जनशक्ति खटेको बताइन्छ ।
प्रहरीका अनुसार ६४ जना बेपत्ता भएका छन् । बाढी–पहिरोमा परेर पाँचथरमा ५, धनकुटामा २, काठमाडौँमा ११, भक्तपुरमा ५, ललितपुरमा १८, काभ्रेमा १४, धादिङमा १ सिन्धुपाल्चोकमा २ र दोलखामा २ जनाको मृत्यु भएको छ । यस्तै घटनामा ३४ जना घाइते समेत भएका छन् ।
बिज्ञापन
