कर्मचारीलाई बढुवाका मुखैमा आफ्नै सहकर्मीहरु लागेर कसरी सिद्धाउन खोजिन्छ ? उदाहरण खोज्न टाढा जानै पर्दैन,सहसचिव डण्डु घिमिरे काफी छन् ।
यस अघि रुद्रमान सिंह तमाङ्गमाथि अख्तियार लाग्यो । उनले क्लिन चिट पाइसकेका छन् । पर्यटनका सहसचिव बुद्धि लामिछानेमाथि बढुवाको मुखैमा अख्तियार लागेर निलम्बित छन् । यही समयमा अर्काे इमान्दार सहसचिवमाथि अकुतको मुद्धामा मुछेर बदनाम प्रयास भइरहेको छ । यसरी बदनामीमा मुछ्ने काम भइरहेको हो, बरिष्ठ सहसचिव घिमिरेलाई ।
बिज्ञापन
उनी केही समय एकनारायण अर्यालसँग सँगै बसेर काम गरे,अर्याल श्रमबाट गृह हुँदै मुख्यसचिव बने । एकनारायणकै टिममा रहेका डण्डु अहिले सो टिममा छैनन् । उनी श्रममै छुटेका छन् । तीन बर्षदेखि श्रममै छन् । घिमिरे अहिले श्रम, रोजगार तथा सामाजिक सुरक्षा मन्त्रालयका सहसचिवको जिम्मेवारीमा छन् । केही अगाडिमात्र उनलाई वैदेशिक रोजगार विभागको महानिर्देशकबाट हटाएर मन्त्रालयमा तानिएको हो । उनै घिमिरेलाई सचिव बन्नबाट रोक्न एउटा खेमा हात धोएर लागेको छ । र बदनाम गराउने केही बिषयबस्तु नपाएर अकुत आर्जनको मुद्धामा उनलाई डाम्न खोजिदैंछ । बढुवाका मुखैमा रहेका केही सहकर्मी कर्मचारीहरु उनलाई बदनाम गराउन,सचिव हुन रोक्ने उदेश्यले अख्तियार पुगेका छन् ।
बिज्ञापन
दोलखाको एउटा सामान्य कृषक परिवारमा जन्मिएका घिमिरेले पछिल्लो केही बर्षमा राम्रै आम्दानी गरेका भन्दै उनलाई पोलेर खुइल्याउने प्रयास हुँदैछ । जानकारहरुका अनुसार,घिमिरे पत्नी ठूलो एनजिओकर्मी र चल्तीको कन्सलटेन्ट हुन । घिमिरे पत्नी नाइसर नामक कन्सल्टेन्सी एवं रिसर्च फर्म चलाउँदै आएकी छिन् ।उनको बार्षिक आम्दानी नै २ करोड माथि हुने गरेको निकटस्थहरु बताउँछन् ।
सोही तलबबाट काठमाडौंमा घरजग्गा जोडिएको बिषयलाई लिएर सचिव बढुवाको मुखमा उनको बदनामी प्रयास भइरहेको बताइन्छ । अहिले सचिव बन्ने मुखैमा यो उजुरी हाल्नुको पछाडि उनलाई सचिव बढूवा हुनबाट रोक्ने उदेश्यमात्र रहेको घिमिरेलाई नजिकबाट चिन्ने र जान्ने प्रशासकहरु बताउँछन् ।
बिज्ञापन
