संघीय मामिला तथा सामान्य प्रशासन मन्त्रालयले एकैपटक विभिन्न निकायमा कार्यरत १२ सय ५४ कर्मचारीको सरुवा गरेको छ । मन्त्रालयले मंगलबार एकैपटक ७१ उपसचिव, ५३७ शाखा अधिकृत र ६ सय ४६ नासु खरिदार सहितका कर्मचारीको सरुवा गरेको हो । केही दिनसम्म गुपचुप राखिएको सरुवा विवरण मन्त्रालयले बिहीबार राति सार्वजनिक गरेको छ ।

सरुवा हुनेहरुमा ७१ जना विभिन्न नगरपालिकाका प्रमुख प्रशासकीय अधिकृत (उपसचिव), २८० जना विभिन्न गाउँपालिकाका प्रमुख प्रशासकीय अधिकृत (शाखा अधिकृत) र केहि इन्जिनियर तथा बाँकी राजपत्र अनंकित नायव सुब्बा तथा खरिदार स्तरका कर्मचारी रहेका छन् ।