सङ्घीय तथा सामान्य प्रशासन मन्त्री राजकुमार गुप्ताले सरुवालाई व्यवस्थित गरेको बताए । उनले पछिल्लो समय सरुवालाई व्यवस्थित गर्न कोसिस गरिरहेको बताएका हुन् । कर्मचारी उच्च मनोबलका साथ गर्न अलि अप्ठ्यारो नै देखिन्छ । तर पछिल्लो समय सरुवालाई व्यवस्थित गर्न कोसिस गरिरहेका छौँ । केहीहदसम्म सम्पन्न गरिसकेका छौँ ।
बिज्ञापन
उनले भने “हामीले मन्त्रालयस्तरीय निर्णय गरेर अन्यथा केही नभएको खण्डमा कम्तिमा पनि एक वर्ष कार्यरत स्थानबाट सरुवा गर्दैनौ । ताकि ती कर्मचारी उच्च मनोबलका साथ तोकिएको स्थानमा गएर कार्यसम्पादन गर्नुहुनेछ । कर्मचारीलाई निर्भिकताका साथ काम गर्ने वातावरण बनाइ रहेका छौँ । धेरै ठाउँमा व्यवस्थित पनि भइसकेको छ । अझ केही गर्न बाँकी छ, त्यो जिम्मेवारी पूरा गर्छौं ।”
बिज्ञापन
त्यस्तै उनले पालिकामा निमित्त दिने अभ्यास हटाएरै छाड्ने बताएका छन् । कर्मचारी सरुवाका लागि महिनौँ काठमाडौँ बस्न र धाउनुपर्ने अवस्था बन्द गरेको बताए ।
“पहिलादेखिको विकृति र बेथिती अन्त्यको प्रयत्न भइरहेको छ । धेरै कर्मचारी अतिरिक्त समूहमा रहने परिस्थिति थियो । त्यो क्रमशः अन्त्य हुँदैछ” उनले भने ।
बिज्ञापन
