अर्थ मन्त्रालयबाट सचिव मधु मरासिनीको दाजुभाई नै आउट भएका छन् । लामो समयदेखि अर्थ मन्त्रालयमा बस्दै आएका सचिव मधु र भाइ शम्भु अन्तत अर्थबाट आउट भएका हुन ।
बिज्ञापन
सरकारले ४० जना सहसचिवहरुको सरुवा गरेको गर्दा भाइ शम्भु पनि अर्थबाट बाहिरिएका हुन । मन्त्रिपरिषदको बिहिबार ९भदौ २७ गते० बसेको बैठकले ४० जना सहसचिवहरुको सरुवा गर्दा शम्भु अर्थबाट बाहिरिएर उर्जामा पुगेका हुन ।
बिज्ञापन
उनी अर्थ मन्त्रालय भन्सार जाँचपास परिक्षण कार्यालयका प्रमुखको जिम्मेवारीमा थिए । शम्भुले अर्थ मन्त्रालय मातहतका मध्यमस्तरीय करदाता सेवा कार्यालय,भन्सार विभाग,महालेखा नियन्त्रकको कार्यालय लगायतका अर्थ माहतका शक्तिशाली निकायमा बसेर काम गरिसकेका छन् ।
यस अघि उनका दाजु मधु अर्थबाट बाहिरिएर उपराष्ट्रपति कार्यालय हुँदै योजना आयोगमा सिफ्ट भइसकेका छन ।
मुख्यसचिव बैकुण्ठ अर्यालको छत्रछायाँ रहुन्जेल मधु सदैव शक्तिशाली निकायमा कार्यरत रहे । निजामतीभित्र अवसरमासिथ अवसरको खात पाउने प्रशासकमा गनिन्छन्,मधु । जसले १३ बर्ष समय वैदेशिक अध्ययन तथा विदेशमै बिताएका छन् ।
बिज्ञापन
भ्रष्टाचार मुद्धा लागेर निलम्बन भइ क्लिन चिट नपाउँदै मुख्यसचिव बैकुण्ठ अर्यालको कृपाबाट अर्थमै फर्किन सफल प्रशासक हुन उनी । जागिरे जीवनमा मधुले कहिल्यै नरम कार्यालयमा बसेर काम गर्नु परेन ।
हुलाकमा हुँदै विदेश पढ्न गए, एडिवीको जागिर खान भ्याए । अर्थकै वैदेशिक महाशाखामा बसेर काम गरे । न्यूयोर्कस्थित महावाणिज्यदूतावासमा महावाणिज्यदूतकारुपमा काम गरे । महालेखा नियन्त्रक चलाए । उनी अर्थ सचिवको कुर्सीमा पुग्दा भाई शम्भुलाई अर्थमा भित्र्याएका हुन । शम्भुले त्रिभुवन भन्सार कार्यालय, मझौला करदाता कार्यालय, महालेखा नियन्त्रक हुँदै भन्सार जाँचपास कार्यालयमा थिए ।
जसरी मधु अर्थबाट आउट भए उसैगरी अहिले शम्भु पनि अर्थबाट बाहिरिएका छन् ।
