अख्तियार दुरुपयोग अनुसन्धान आयोगले नगरपालिकाको निमित्त प्रमुख प्रशासकीय अधिकृत सहित ११ जनाविरुद्ध भ्रष्टाचार मुद्धा चलाएको छ । आयोगले महोत्तरीको औरही नगरपालिकाका तत्कालीन निमित्त प्रमुख प्रशासकीय अधिकृत निलाम्बर मिश्र मैथलीसहित तत्कालीन इन्जिनियर सन्तोष कुमार यादव ,तत्कालीन सब–इन्जिनियर बिपिन कुमार मण्डल, लेखापाल बिजय कुमार यादव, तत्कालीन योजना शाखा प्रमुख गंगाराम यादव,तत्कालीन जिन्सी शाखा प्रमुख शिव शंकर यादवसहितका ११ जनालाई प्रतिवादी बनाएर अख्तियार विशेषमा पुगेको हो ।
आयोगले ह्याण्डपम्प ट्युबवेल (चापाकल) खरिद तथा वितरणमा अनियमितता गरेको आरोपमा प्रमुख प्रशासकीय अधिकृतसहित ११ जनालाई प्रतिवादी बनाइएको हो । आयोगका अनुसार आर्थिक बर्ष ०७९ ८० मा औरही नगरपालिकाले ह्याण्डपम्प तथा ट्युबवेल खरिद गर्दा सार्वजनिक खरिद ऐन, २०६३ तथा सार्वजनिक खरिद नियमावली, २०६४ विपरीत खरिद प्रक्रिया अपनाएको, खरिद प्रक्रियामा प्रतिस्पर्धालाई जानाजान सीमित गरिएको, आपूर्तिकर्तासँगको मिलेमतोमा बोलपत्रमार्फत खरिद गर्नुपर्ने कार्य सिलबन्दी दरभाउपत्र तथा सोझै खरिद गरी स्थानीय सरकार र नेपाल सरकारलाई हानिनोक्सानी पुर्याएको आरोप लगाइएको छ । यस्का अलवा लागत अनुमान, खरिद आदेश, जिन्सी दाखिला तथा सार्वजनिक खरिद ऐन र अख्तियार दुरुपयोग अनुसन्धान आयोगको निर्देशनसमेत बेवास्ता गरी खरिद कार्य गराएको र भुक्तानी दिएको–लिएको अनुसन्धानबाट पुष्टि भएको देखिँदा तत्कालीन निमित्त प्रमुख प्रशासकीय अधिकृत निलाम्बर मिश्र मैथलीसहितविरुद्ध ३६ लाख १३ हजार, तत्कालीन इन्जिनियर सन्तोष कुमार यादव र तत्कालीन सब–इन्जिनियर बिपिन कुमार मण्डलविरुद्ध जनही २० लाख ४९ हजार ४५० रुपैंया,तत्कालीन लेखापाल बिजय कुमार यादव र तत्कालीन योजना शाखा प्रमुख गंगाराम यादवविरुद्ध जनही ३६ लाख १३ हजार ३१ रुपैयाँ बिगो कायम गरिएको आयोगले जनाएको छ ।

बिज्ञापन

यस्तै तत्कालीन जिन्सी शाखा प्रमुख शिव शंकर यादवविरुद्ध १५ लाख ६३ हजार ५८१ रुपैयाँ बिगो मागदावी लिएको छ । आयोगले आपूर्तिकर्तातर्फ लिला आयरन स्टोर्स, औरही–१, महोत्तरी र सोका प्रोप्राइटर बिनय कुमार यादवविरुद्ध ५ लाख ३४ हजार ८७६ रुपैयाँ ८१ पैसा, डि।एम। जेनरल अर्डर सप्लायर्स, जलेश्वर–३, महोत्तरी र सोका प्रोप्राइटर दुधनाथ कुमरविरुद्ध ११ लाख ८९ हजार ४७१ रुपैयाँ ३६ पैसा बिगो कायम गरेको छ ।