बिज्ञापन

बिज्ञापन

आजको बैठकले नेपाल प्रज्ञा प्रतिष्ठान, नेपाल संगीत तथा नाट्य प्रज्ञा प्रतिष्ठान लगायतमा पदाधिकारी नियुक्तिदेखि विभिन्न निर्णय गर्न सक्ने जनाइएको छ । नेपाल प्रज्ञा प्रतिष्ठानको कुलपतिका लागि कुमार नगरकोटी, उपकुलपतिमा अविनाश श्रेष्ठ,सदस्य सचिवमा रामलाल जोशीका अलवा प्राज्ञ सदस्यमा तीर्थ गुरुङ, राजन मुकारुङ, दीपक सापकोटा, प्रगति राई, नवीन अभिलाषी, प्रतिसरा सायमी र कृष्ण सर्वहारी सिफारिस भएको र उनीहरुको नियुक्ति हुने सम्भावना रहेको बताइएको छ । यस्तै नेपाल संगीत तथा नाट्य प्रज्ञा प्रतिष्ठानको कुलपतिका लागि ब्रजेश खनालको नाम चर्चामा छ ।
यता आजैको क्याविनेटले मन्त्रालय तथा सरकारी कार्यालयहरुको ओएनएम टुंग्याउने सम्भवना रहेको बताइएको छ । सरकारले यस अघि असार ७ भित्र मन्त्रालयहरुको ओएनएम टुंग्याउन समय दिएकोमा गुपचुप असार मसान्तसम्म समय थपिएको थियो । निर्धारित समयभित्र ९ वटा मात्र मन्त्रालयले ओएनएम टुंग्याएको थिए । आजको मन्त्रिपरिषद्ले त्यस बारेमा समेत थप निर्णय गर्ने सम्भवना रहेको बताइएको छ ।