सरकारले ६ सचिवको सरुवा गर्दा महिना दिन पछि अवकाशमा जान लागेका कर्मचारीलाई अख्तियार दुरुपयोग अनुसन्धान आयोगमा पठाएको छ ।
सरुवाको सूची अनुसार प्रधानमन्त्री कार्यालयको जगेडामा रहेका डिल्लीराम शर्मालाई अख्तियारमा पठाइएको हो । शर्मा अघि स्वास्थ्य मन्त्रालयमा कार्यरत थिए । एक मन्त्रालय एक सचिव राख्ने योजना अनुसार उनी स्वास्थ्य मन्त्रालयबबाट प्रधानमन्त्री तथा मन्त्रिपरिषद्को कार्यालयको जगेडामा तानिएका थिए । जगेडामा करिब एक महिनाको बसाई पछि सचिव डिल्लीराम शर्मालाई अख्तियारमा पठाइएको छ ।
बिज्ञापन
उनी ५ वर्ष सचिव खाएर भदौ २ गतेबाट अनिवार्य अवकाशमा जानेछन । शर्मा ७८ भदौं २ मा सचिवमा बढुवा भएका थिए । यो हिसाबले पाँच बर्ष सेवा अवधि पूरा गरेर अनिवार्य अवकाशमा जान लागेका सचिवलाई अख्तियारमा पठाइएको हो । महिना दिन पछि अनिवार्य अवकाशमा जान लागेका सचिव शर्मालाई अख्तियारमा पठाइएको हो । यस अघि सरकारले गत जेठ २२ मा स्वास्थ्य मन्त्रालयबाट प्रधानमन्त्री कार्यालयमा पुर्याएको थियो ।
बिज्ञापन
शर्मा ०८२ जेठ १३ गते शर्मा स्वास्थ्य मन्त्रालय हाजिरी भएका थिए ।त्यस अघि उनी राष्ट्रपति कार्यालय, लोकसेवा आयोग हुँदै स्वास्थ्य मन्त्रालय पुगेका पुगेका थिए ।
उसो त यस अघि अख्तियारमा रहेका प्रहरीको सेटै परिवर्तन गरिएको थियो । सूचना चुहावटको आंशकामा प्रहरीको सेटै परिवर्तन भएको अर्को साता नबित्दै अख्तियारमा कार्यरत रहेका सचिव नारायण शर्मा दुवाडीलाई अख्तियारबाट उद्योगमा ल्याइएको हो । त्यहाँ कार्यरत नारायण शर्मा दुवाडीलाई उद्योग,वाणिज्य तथा आपूर्ति मन्त्रालयमा ल्याइएको छ ।करिब १७ महिना अगाडि अख्तियारको सचिव बनेका दुवाडी अख्तियारबाट उद्योग पुगेका हुन । पूर्व सचिव गोकर्णमणि दुवाडीका नातेदार धादिङका दुवाडी यस अघि राष्ट्रपतिको कार्यालयबाट अख्तियारमा पुगेका थिए ।
उसो त बर्तमान सरकारले अवकाशको १५ दिन अघि चिरञ्जिवी चटौतदेखि प्रमिलादेवी बज्राचार्यहरुलाई समेत यसैगरी सरुवा गरेको थियो ।
