बिज्ञापन

बिज्ञापन

यस्तै उद्योग, वाणिज्य तथा आपूर्ति मन्त्रालयका सचिव कृष्णबहादुर राउतलाई महिला, बालबालिका, लैङ्गिक तथा यौनिक अल्पसङ्ख्यक तथा सामाजिक सुरक्षा मन्त्रालयमा खटाइँदा सो मन्त्रालयमा कार्यरत रहेकी राधिका अर्याललाई प्रधानमन्त्री तथा मन्त्रिपरिषद्को कार्यालयमा जगेडामा राखिएको छ ।निर्वाचनताका आयोगमा पुगेका कृष्ण राउत निर्वाचन सम्पन्न भएसँगै उद्योगमा पुगेकोमा उद्योगबाट सरुवा भएर महिला मन्त्रालय पुगेका हुन । यस अघि सञ्चार मन्त्रालयमा रहँदा तत्कालीन मन्त्री जगदीश खरेलसँग विवाद परेपछि महिला मन्त्रालयमा पुगेकी राधिका अर्याल महिलाबाट सरुवा भएर प्रधानमन्त्री कार्यालयको अतिरिक्त समूहमा पुर्याइएको हो ।
यस्तै,राष्ट्रिय सतर्कता केन्द्रका सचिव दीनानाथ मिश्रलाई विज्ञान, प्रविधि तथा नवप्रवर्तन मन्त्रालयमा लगिँदा राष्ट्रिय सतर्कता केन्द्रको सचिवमा विश्वबाबु पुडासैनीलाई सरुवा गरिएको छ । खानेपानी,शहरी,भौतिक मन्त्रालय मर्ज भएर पूर्वाधार मन्त्रालय बनेसँगै सो मन्त्रालयमा मन्त्री सुनिल लम्सालका रोजाइमा गोपाल सिग्देल सचिवको भूमिकामा छन् । ओएण्डएम गरेर सो मन्त्रालयमा दुई जना प्राविधिक सचिव राख्ने बिषयमा छलफल भए पनि मन्त्री लम्साल सकरात्मक नहुँदा पूर्वाधार मन्त्रालय जान बल गरिरहेका सचिव पुडासैनीलाई नेपाल ट्रष्टमा पुर्याइएको हो ।