बिज्ञापन

बिज्ञापन

दोषी ठहर भएका विरुद्ध सजाय निर्धारणका लागि आज पेशी तोकिएको थियो । जस अनुसार पूर्व उपप्रधानमन्त्री तथा एमाले नेता टोपबहादुर रायमाझी, पूर्व गृहमन्त्री एवम् कांग्रेस नेता बालकृष्ण खाँण, पूर्व सचिव टेकनारायण पाण्डेसहितका कसूरदारहरूलाई सजाय निर्धारण गरेको हो । अदालतले रायमाझीलाई फरक फरक कसूरमा चार वर्ष कैद र ४० हजार जरिवाना तोकेको छ । खाँणलाई भने २ वर्ष कैद र २० हजार जरिवाना लगाइएको छ ।काठमाडौं जिल्ला अदालतले उनलाई ४ वर्ष कैद र ४० हजार रुपैयाँ जरिवानाको सजाय सुनाएको छ।
यही प्रकरणमा पूर्व सचिव टेकनारायण पाण्डेलाई ठगीमा २ वर्ष कैद र १५ हजार जरिवाना गरिएको छ। संगठित अपराधमा ३ वर्ष कैद र ३० हजार जरिवाना गरिएको छ। त्यसैगरी राज्यविरुद्धको कसुरमा १ वर्ष ६ महिना कैद र १५ हजार जरिवानाको सजाय तोकिएको छ। राज्यविरुद्धकै अभियोगमा थप ६ महिना सजाय भोग्नु पर्ने पनि फैसलामा उल्लेख छ। एकीकृततर्फ ४ वर्ष ४० हजार रुपैयाँ जरिवाना तोकिएको हो।

तीन वर्ष पुरानो यो मुद्दामा न्यायाधीश तेजबहादुर खड्काको इजलासले असार २४ गते फैसला सुनाएको थियो । जसमा १५ जना दोषी ठहर हुँदा टोपबहादुरका छोरा सन्देश, एमाले उपाध्यक्ष रामबहादुर बादलका छोरा प्रतिकलगायत सात जनाले सफाइ पाएका थिए ।