स्याङ्जाको अर्जुनचौपारी गाउँपालिकामा कार्यरत पाँचौं तहका सहायक हिरालाल काफ्लेउपर मुद्दा दायर भएको छ । नक्कली शैक्षिक प्रमाणपत्रका आधारमा नियुक्ति लिएको आरोपमा अख्तियार दुरुपयोग अनुसन्धान आयोगले उनीविरुद्ध मुद्दा दर्ता गरेको हो ।
बिज्ञापन
२०५७ जेठ २ गते पालिकाको कार्यालय सहायक तृतीय पदमा अस्थायी नियुक्ति पाएका उनले ०६७ कात्तिक १५ गते मुखिया पदमा स्थायी नियुक्ति लिएका थिए । त्यसपछि ०७९ माघ १० गते सहायक पाँचौ तहमा बढुवा भए ।
बिज्ञापन
अख्तियारका अनुसार उनले नियुक्तिका बेला भारतको आसाम प्रदेशको गुहाटीस्थित बोर्ड अफ सेकेण्डरी एजुकेशनबाट एसएलसी परीक्षा उत्तीर्ण गरेको प्रमाणपत्र पेश गरेका थिए । तर, उजुरीपछि जाँच्दा उक्त सर्टिफिकेट नक्कली पुष्टि भएको छ ।
नक्कली प्रमाणपत्रका आधारमा सरकारी सेवामा प्रवेश गरी लाभ र सुविधा लिएको ठहर्याउँदै अख्तियारले उनलाई भ्रष्टाचार निवारण ऐन, २०५९ बमोजिम कैद र जरिवाना सजाय हुन मागदाबी गरेको छ ।
बिज्ञापन
